သမ္မတ Trump မိန့်ခွန်းမှာတော့ လက်ရှိအစိုးရသစ်ရဲ့ မူဝါဒတွေနဲ့ လက်တလော ဆောင်ရွက်ချက်တွေကို ပြောဆိုဖို့ရှိသလို၊ ယူကရိန်းသမ္မတနဲ့ကိစ္စ နိုင်ငံရပ်ခြားအကူအညီတွေ ရပ်တန့်တဲ့ကိစ္စတွေကို ခုခံပြောမယ်လို့ ယူဆရပါတယ်။
သမ္မတထရမ့်ဟာ သမ္မတတာဝန်ပြန်ယူပြီးနောက်ပိုင်း ပထမဆုံးအကြိမ်အဖြစ် ကွန်ဂရက်လွှတ်တော်နှစ်ရပ်ပေါင်းမှာ ပြောကြားတဲ့ မိန့်ခွန်း ဖြစ်ပါတယ်။
CBS သတင်းဌာနနဲ့ YouGov စစ်တမ်းအရ အမေရိကန်ပြည်သူ ၈၀ ရာခိုင်နှုန်းက ထရမ့်အနေနဲ့ စီးပွားရေးနဲ့ ငွေကြေးဖောင်းပွမှုကိစ္စတွေအပေါ် အာရုံစိုက်ဖို့ လိုလားကြပေမယ့် သမ္မတက ငွေကြေးဖောင်းပွမှုကို သေချာဦးစားပေးလုပ်ဆောင်တယ်လို့ ပြောသူက ၂၉ ရာခိုင်နှုန်းပဲ ရှိတယ်လို့ ဆိုပါတယ်။
သမ္မတထရမ့်က ဒီမိန့်ခွန်းမှာ သူ့ရဲ့ စီးပွားရေးနဲ့ လူဝင်မှုကြီးကြပ်ရေး အစီအမံတွေကို ချပြမှာဖြစ်တဲ့အပြင် ဖက်ဒရယ်ဝန်ထမ်းတွေ လျှော့ချဖို့ ဆုံးဖြတ်ချက်နဲ့ ယူကရိန်းသမ္မတ ဗိုလိုဒီမီယာ ဇလန်စကီးကို ထိပ်တိုက်ရင်ဆိုင်တဲ့ အငြင်းပွားစရာ ဆုံးဖြတ်ချက်တွေကိုလည်း ဒီမိန့်ခွန်းမှာ ခုခံကာကွယ်မယ်လို့ ခန့်မှန်းနေကြတာပါ။