“မလေးရှားနိုင်ငံကိုသွားဖို့အတွက် နေအိမ်မှာ ထိုင်းရဲတွေက နေအိမ်တလုံးကို မသင်္ကာလို့ သွား စစ်ဆေးတဲ့အခါမှာ အမျိုးသားနဲ့အမျိုးသမီး အားလုံးပေါင်း ၈၄ ဦး ဖမ်းဆီးရမိတာပေါ့ နော်။ Phetchaburi ထဲမှာ ဖမ်းမိတာပေါ့နော်။” (အလုပ်သမားအရေးလှုရှားသူတဦး)
မြန်မာနိုင်ငံကနေ နယ်စပ်ဖြတ်ကျော် တံတားကူးလက်မှတ်နဲ့ လာတဲ့ မထက်ထက်ဇော် ဟာ မဲဆောက်မြို့မှာရှိတဲ့ ခင်ပွန်းဖြစ်သူ ကိုဇော်ဝင်းထွဋ်(ခေါ်) ဝဠာ ဆီလာရင်း ရိုက်နှက်ထိုးကြိတ်တဲ့ အိမ်တွင်းအကြမ်းဖက်မှုနဲ့ ကြုံခဲ့ရပါတယ်။
"မြန်မာအစိုးရရဲ့ လက်နက်ဝယ်ယူမှုတွေမှာ ထိုင်းဘဏ်တွေ ပါဝင်ပတ်သက်နေတယ်ဆိုတဲ့ကိစ္စနဲ့ပတ်သက်လို့ သက်သေအခိုင်အမာမရှိပါဘူး။ ထိုင်းအစိုးရအနေနဲ့ လူ့အခွင့်အရေး ချိုးဖောက်မှုတွေကို ထောက်ခံတဲ့ မူဝါဒမရှိပါဘူး။" ( Mr. Maris Sangiampongsa - ထိုင်းနိုင်ငံခြားရေးဝန်ကြီး)
"တံတားခွဲခံရတာတော့သိတယ်။ ကရင်လေးဆိပ်တံတားဆိုတာကတော့ ကျုံအိတ် တံတားရဲ့ဒီဘက် သထုံဘက်ကိုဝင်လာတဲ့တံတားပါ။ အခုလောလောဆယ် ကားတွေပိတ်မိနေတယ်။ ချောင်းကူးတဲ့တံတားဖြစ်နေတော့ မိုးတွင်းဖြစ်နေတော့ ချောင်းကရေများနေတယ်။ ကားတွေက အောက်ကနေလည်းကူးမရဘူး။ မိုးတွင်းဖြစ်နေတော့လေ။" (ဒေသခံ)
"ဘယ်လိုအလုပ်တွေလဲဆိုတော့ စျေးဆိုင်တွေ၊ ငွေလွှဲလုပ်ငန်းတွေ၊ မော်တော်ယာဉ်၊ ခရီးရှည် ခရီးတို မောင်းနှင်တဲ့လုပ်ငန်းတွေ၊ ရွှေပန်းတိမ်လုပ်ငန်းတွေ၊ အလှပြင်ဆိုင်တွေ၊ ပရိဘောဂလုပ်ငန်းတွေ အဲဒီအလုပ်တွေလုပ်ကြတဲ့မြန်မာတွေ အဖမ်းခံရတာများတယ်။"
နိုင်ငံကူးလက်မှတ်အလည်အပတ်ဗီဇာ (PV) ကိုင်ဆောင်ပြီး ပြည်ပထွက်ပြီး အလုပ်လုပ်နေသူတွေကို တားဆီးပိတ်ပင်သွားမယ်လို့ စစ်ကောင်စီရဲ့အလုပ်သမားဝန်ကြီးက ပြောလိုက်ပါတယ်။
ထိုင်း-မြန်မာနယ်စပ် မြန်မာဘက် မြဝတီအွန်လိုင်းလိမ်လည်ဂိုဏ်းတွေ လောင်းကစားဝိုင်းတွေမှာ နိုင်ငံခြားသားတွေရောင်းစားခံရတာ၊ အတင်းအကြပ်အလုပ်စေခိုင်းခံရတာတွေ ခပ်စိတ်စိတ်ဖြစ်လာတဲ့ပြဿနာကိုဖြေရှင်းဖို့ ထိုင်းအစိုးရက တင်းတင်းကြပ်ကြပ်ကိုင်တွယ်ဖို့လိုအပ်ကြောင်း ထိုင်းအတိုက်အခံအမတ်တဦးက သတိပေးလိုက်ပါတယ်။
မြန်မာနိုင်ငံအတွင်း စစ်ပွဲတွေဖြစ်နေချိန်မှာ တိုင်းရင်းသားလက်နက်ကိုင်တွေက မူးယစ်ဆေးဝါးတွေပိုထုတ်လုပ်လာနေပြီး အိမ်နီးချင်းဖြစ်တဲ့ထိုင်းနိုင်ငံထဲမှာ ဖမ်းဆီးရမိတဲ့ မူးယစ်စိတ်ကြွဆေးပမာဏဟာ ပိုပြီးတိုးလာနေကြောင်း ထိုင်းဖမောင့် တပ်ရင်း တာဝန်ရှိသူ ဒုဗိုလ်မှူးကြီး Col. Meechai Nilsat က ပြောပါတယ်။
"ကျောက်ကြီးထဲမှာပဲ ၁၀ ယောက်ကျော်သေတယ်။ တိုက်ပွဲလည်းမဖြစ်ဘဲနဲ့ ရွာထဲကိုလက်နက်ကြီးနဲ့ထုထည့်နေတာပဲ။ စစ်တောင်းမြစ်ရဲ့အနောက်ဘက်ကမ်း ဖြူးမြို့နယ်အနီးတဝိုက်ကျေးရွာတွေလည်းပါတယ်။ မုန်းမြို့နယ်ထဲမှာတော့ နောင်ချိုကျေးရွာထဲမှာ ၂ ယောက်သေတယ်။အဲဒါကလည်းဇွန်လထဲမှာပဲ။" (ကျောက်ကြီးတာဝန်ရှိသူ)
ကရင်ပြည်နယ်၊ ကော့ကရိတ်မြို့နယ် ကျုံဒိုးနယ်တဝိုက်မှာ စစ်ကောင်စီတပ်တွေနဲ့ KNLA/PDF ပူးပေါင်းတပ်တွေ နေ့စဉ်တိုက်ပွဲတွေဖြစ်နေပြီး လေကြောင်း တိုက်ခိုက်မူ့ ဒရုန်းနဲ့တိုက်ခိုက်မူ့ လက်နက်ကြီးနဲ့ပစ်ခတ်မူတွေ က ၅ရက်အတွင်းပိုပြင်းထန်လာနေပါတယ်။
ကုလသမဂ္ဂနဲ့ ထိုင်းဝန်ကြီးချုပ်တို့အနေနဲ့ ထိုင်းနိုင်ငံရောက် မြန်မာအလုပ်သမားတွေရဲ့ လုံခြုံစိတ်ချစွာနေထိုင်နိုင်ရေးနဲ့ အလုပ်လုပ်ခွင့်တို့အတွက် အချက် ၃ ချက်ကို ဆောင်ရွက်ပေးဖို့ ထိုင်းနိုင်ငံရောက် မြန်မာအလုပ်သမားတွေက ဇူလိုင်လ ၇ ရက်နေ့မှာ UNHCR ရုံးရှေ့ ဆန္ဒပြတောင်းဆိုခဲ့ကြပါတယ်။
ထိုင်းမြန်မာနယ်စပ် တာခ့်ခရိုင် မဲဆောက်မြို့အဝင် ဟွေရာအူး ရဲစစ်ဆေးရေးဂိတ်မှာ ပစ်ကပ် ကားငယ်တစီးကို မသင်္ကာလို့ ရှာဖွေစစ်ဆေးရာမှာ မြန်မာဘက်ကို ပို့ဆောင်မယ့် သေနတ်အလက် ၂၀ နဲ့ စစ်သုံးပစ္စည်းတွေ ဖမ်းမိကြောင်း ထိုင်းရဲတပ်ဖွဲ့က သတင်းထုတ်ပြန်ခဲ့ပါတယ်။
ကရင်ပြည်နယ် မြဝတီမြို့က အွန်လိုင်းလိမ်လည်ဂိုဏ်းမှာ အဓမ္မ အလုပ်ခိုင်းစေခံနေရတဲ့ မော်ရိုကို နိုင်ငံသား ၁၂ ယောက်ကို ဇူလိုင်လ ၅ရက် နေ့မှာ ကယ်တင်နိုင်ခဲ့တယ်လို့ ထိုင်းအာဏာပိုင်တွေက ပြောပါတယ်။
မြန်မာရွှေ့ပြောင်းအလုပ်သမားတွေအတွက် ထိုင်းနိုင်ငံကထုတ်ပေးတဲ့ ပန်းရောင်ကဒ်လို့ခေါ်တဲ့အလုပ်လုပ်ခွင့်လက်မှတ်အပြင် မြန်မာအလုပ်သမားဝန်ကြီးဌာနကထုတ်ပေးတဲ့ မည်သူမည်ဝါဖြစ်ကြောင်းသက်သေခံလက်မှတ် Certificate of Identity (CI) လည်းလိုအပ်ပြီး ၂ ခုလုံးပြည့်စုံမှ ထိုင်းနိုင်ငံထဲမှာအလုပ်လုပ်ခွင့်ရတာဖြစ်ပါတယ်။
ထိုင်းနိုင်ငံမြောက်ပိုင်း ချင်းမိုင်ခရိုင် ဒွိုင်စကက်မြို့နယ်ထဲက နေအိမ်ခြံ၀င်းတခုကို ဆိုက်ဘာရဲတပ်ဖွဲ့က ၀င်ရောက်စီးနင်းခဲ့ရာမှာ မြန်မာနဲ့တရုတ်နိုင်ငံသားတွေပါတဲ့အွန်လိုင်းလိမ်လည်ဂိုဏ်း၀င် ၁၃ ဦးကို သက်သေခံပစ္စည်းတွေနဲ့အတူ ဖမ်းဆီးနိုင်ခဲ့တယ်လို့ ချင်းမိုင် ရဲတပ်ဖွဲ့က ထုတ်ပြန်ထားပါတယ်။
ထိုင်းနိုင်ငံမှာ မြန်မာရွှေပြောင်းကလေးငယ်တွေ ဖမ်းဆီးခံရပြီးနေရပ်ပြန်ပို့တာ ရွှေ့ပြောင်းကျောင်းတွေကို ပိတ်ပင်တာတွေနဲ့ ပတ်သက်လို့ ကူညီပေးဖို့ ထိုင်းလူ့အခွင့်ရေးကော်မရှင်ကို ထိုင်းတောင်ပိုင်းအခြေစိုက် ပညာရေးနှင့်ဖွံ့ဖြိုးတိုးတက်ရေးဖောင်ဒေးရှင်း (FED)က တာဝန်ရှိသူတွေက သွားရောက်တွေ့ဆုံခဲ့ပါတယ်။
ထိုင်းမူးယစ်ဆေးဝါး ထိန်းချုပ်ရေး ဘုတ်အဖွဲ့ (NACC) ကနေ ၂၀၂၃ ခုနှစ် အောက်တိုဘာလကနေ ၂၀၂၄ ခုနှစ် ဇွန်လအထိ ၉ လအတွင်း ထိုင်းနိုင်ငံမှာ စိတ်ကြွဆေးပြား သန်း ၅၀၀ ကျော်ဖမ်းမိကြောင်းနဲ့ ဖမ်းမိတဲ့စိတ်ကြွဆေးအများစုဟာ မြန်မာနယ်စပ်နဲ့ထိစပ်နေတဲ့ ထိုင်းနိုင်ငံမြောက်ပိုင်းမှာ ဖြစ်တယ်လို့ သတင်းထုတ်ပြန်ခဲ့ပါတယ်။
မြန်မာပြည်တွင်းက စစ်ဘေးသင့်ပြည်သူတွေကို လှူဒါန်းဖို့နဲ့ မြန်မာပြည်အရေး နိုင်ငံတကာကပိုသိအောင် မြန်မာနိုင်ငံသားနှစ်ယောက်ဟာ မဲဆောက်ကနေ ဘန်ကောက်အထိ စစ်ဘီးစီး စစ်ဘေးရှောင်ရန်ပုံငွေအတွက်ရည်ရွယ်ပြီး မဲဆောက်ကနေဘန်ကောက်အထိ မိုင် ၃၀၀ ကျော်ခရီးကို မြန်မာနှစ်ဦးက စက်ဘီးနင်း ပြသခဲ့ပါတယ်။
မလေးရှားနိုင်ငံ ကလန်းမြို့ ဘက်မှာ ဇွန်လ ၂၃ရက်နေ့ကပြုလုပ်ခဲ့တဲ့ အော်ပရာစီစစ်ဆင်ရေးအတွင်း မြန်မာအပါအဝင် နိုင်ငံခြားသား ၁၇၀၀ လောက်ဖမ်းဆီးခံခဲ့ရပြီး အဲဒီအထဲမှာမြန်မာနိုင်ငံသား ၁၂၀ လောက်ပါ၀င်ကြောင်း မလေးရှားအခြေစိုက် နိုင်ငံရေးတက်ကြွလှုပ်ရှားသူဦးစိုးထက်သိန်းက ဗွီအိုအေကိုပြောပါတယ်။
ကရင်ပြည်နယ် မြဝတီမြို့နယ် အခြေစိုက် စစ်ကောင်စီ တပ်စခန်းတခုကို ကရင်တိုင်းရင်းသား လက်နက်ကိုင် KNLA နဲ့အတူး ပူးပေါင်း သိမ်းပိုက်လိုက်ကြောင်း ဒေသခံ ကာကွယ်ရေးတပ်ဖွဲ့ တာဝန်ရှိသူတယောက်က ဒီကနေ့ပဲ ပြောလိုက်ပါတယ်။
နောက်ထပ်ကြည့်ရှုရန်
