အမေရိကန်ပြည်ထောင်စု ဝါရှင်တန်ဒီစီမြို့တော်က အပြည်ပြည်ဆိုင်ရာသံရုံးတွေကို အများပြည်သူတွေ လည်ပတ်နိုင်တဲ့ Passport DC Around the World Embassy Tour အစီအစဉ်မှာ မြန်မာသံရုံးကလည်း ဒီနှစ်မှာ ပထမဆုံးအကြိမ်အဖြစ် ပါဝင်ခဲ့ပါတယ်။
မြန်မာအပါအဝင် နိုင်ငံပေါင်း ၁၆ နိုင်ငံကို ကမ္ဘာမှာ အဆိုးရွားဆုံး ဘာသာရေးလွတ်လပ်ခွင့် ချိုးဖောက်မှုနိုင်ငံတွေအဖြစ် တနင်္လာနေ့က ထုတ်ပြန်တဲ့ USCIRF ရဲ့ ၂၀၁၉ ခုနှစ် အစီရင်ခံစာမှာ ဖေါ်ပြထားပါတယ်။ VOA သံတမန်ရေးရာသတင်းထောက် Cindy Saine နိုင်ငံခြားရေးရုံးက သတင်းပေးပို့ထားတာကို မအိသန့်စင်က ပြောပြပေးပါမယ်။
မြန်မာအပါအဝင် နိုင်ငံပေါင်း ၁၆ နိုင်ငံကို ကမ္ဘာမှာ အဆိုးရွားဆုံး ဘာသာရေးလွတ်လပ်ခွင့် ချိုးဖောက်မှုနိုင်ငံတွေအဖြစ် တနင်္လာနေ့က ထုတ်ပြန်တဲ့ USCIRF နိုင်ငံတကာ ဘာသာရေး လွတ်လပ်ခွင့် စောင့်ကြည့်ရေး အမေရိကန်ကော်မရှင် ရဲ့ ၂၀၁၉ခုနှစ် အစီရင်ခံစာမှာ ဖေါ်ပြထားတာပါ။
အိန္ဒိယနိုင်ငံမြောက်ပိုင်း Uttar Pradesh ပြည်နယ်က ရွာလေးတခုမှာ အမေရိကန်ကျောင်းသားတစုရဲ့ အကူအညီနဲ့ အမျိုးသမီးလစဉ်သုံးပစ္စည်းတွေ ဈေးနှုန်းချိုချို ဝယ်နိုင်အောင် ထုတ်ပေးတဲ့ စက်အကြောင်း ဇာတ်အိမ်တည်ပြီး ရိုက်ထားတဲ့ Period. End of Sentence ဆိုတဲ့ မှတ်တမ်းရုပ်ရှင်ဟာ Oscar ရုပ်ရှင်ထူးချွန်ဆု ရရှိထားပါတယ်။
သန်းနဲ့ချီတဲ့ ဝီဂါ မူဆလင်တွေကို ထိန်းသိမ်းထားတဲ့ တရုတ်နိုင်ငံဟာ ဘာသာတရားသက်ဝင်ယုံကြည်မှု ကွဲပြားသူတွေအပေါ် ဖိနှိပ်နေတယ်လို့ အမေရိကန်က ရှုတ်ချပြောဆိုလိုက်ပါတယ်။ အမေရိကန်နိုင်ငံခြားဌာနဆိုင်ရာ VOA သတင်းထောက် Cindy Saine ပေးပို့တဲ့ သတင်းဆောင်းပါးကို မအိသန့်စင်က ပြောပြပေးပါမယ်။
၂၀၁၆ သမ္မတ ရွေးကောက်ပွဲမှာ သမ္မတလောင်း Donald Trump ရဲ့စည်းရုံးရေးအဖွဲ့နဲ့ ရုရှားတို့ကြား ဆက်နွယ်မှု ရှိ၊မရှိ ဆိုတာနဲ့ သူ့ရဲ့စီးပွားရေး လုပ်ငန်းတွေအပေါ်စုံစမ်းစစ်ဆေးဖို့ တနင်္လာနေ့က အောက်လွှတ်တော် အတိုက်အခံ ဒီမိုကရက်တွေက စတင်လိုက်ပါတယ်။ Patsy Widakuswara ရဲ့ သတင်းလွှာကို မအိသန့်စင်က တင်ပြပါမယ်။
ရေနံသယံဇာတကြွယ်ဝတဲ့ဗင်နီဇွဲလားနိုင်ငံရဲ့ စီးပွားရေးချွတ်ခြုံကျလုနီးပါးဖြစ်နေတာကြောင့် အတိုက်အခံဘက်က သမ္မတ Nicolas Maduro ပြုတ်ကျအောင်လုပ်နိုင်မယ်ဆိုရင်သမ္မတဟောင်း Hugo Chavez ချမှတ်ခဲ့တဲ့ ဆိုရှယ်လစ်လမ်းစဉ်ကို ပြောင်းပစ်ဖို့လွယ်ကူနိုင်ခြေရှိပါတယ်။Brian Padden ရဲ့သတင်းလွှာကို မအိသန့်စင်က တင်ပြထားပါတယ်။
ဗင်နီဇွဲလား အတိုက်အခံတွေကိုတရားဝင်ထောက်ခံဖို့ ဥရောပသမဂ္ဂEU အပေါ်ဖိအားတွေ တိုးလာနေပါတယ်။EU အမတ် ၃ ဦးကိုသူ့အတိုက်အခံတွေနဲ့ ပူးပေါင်းကြံစည်တယ်ဆိုပြီးဗင်နီဇွဲလားအစိုးရက ပြည်ဝင်ခွင့်မပေးခဲ့တဲ့နောက်သမ္မတ Maduro အပေါ်EU ကဖိအားပေးဖို့ တိုက်တွန်းလာနေကြတာပါ။Henry Ridgwell ရဲ့သတင်းလွှာကို မအိသန့်စင်ကတင်ပြထားပါတယ်။
Texas ပြည်နယ် Lufkin မြို့မှာ ပေသုံးဆယ်လောက် သစ်ပင်အမြင့်ကနေ ပြန်မဆင်းတတ်ဘဲဖြစ်နေတဲ့ ကြောင်လေးတကောင်ကို ရဲအရာရှိနှစ်ယောက် ကယ်တင်ခဲ့ပါတယ်။ ရဲအရာရှိတယောက်ရဲ့ ကိုယ်မှာတတ်ထားတဲ့ ဗွီဒီယိုကင်မရာက မှတ်တမ်းတင်ထားတာပါ။ #voasocial #voaburmese
တရုတ်နိုင်ငံက မြို့တွေမှာ နှစ်သစ်ကူးပွဲတော်ကို ကြိုဆိုတဲ့အနေနဲ့ မီးပုံးရောင်စုံတွေ ထွန်းထားကြပါပြီ။ ၂၂ နှစ်အတွင်း အခမ်းအနားဆုံး မီးထွန်းပွဲကျင်းပနိုင်တဲ့ မြို့က Jiayuguan မြို့ပါ။ တရုတ်ပြည်အနောက်တောင်ပိုင်း Sichuan ပြည်နယ်က ဒီဇိုင်နာပညာရှင်တွေရဲ့ အကူအညီနဲ့ ယွမ် ၄ သန်းလောက် အကုန်ကျခံထားတာ ဖြစ်ပါတယ်။
မြန်မာနိုင်ငံရဲ့ ပထမဆုံး Pride ပွဲတော်ကို LGBT လိင်တူလိင်ကွဲချစ်ခင်စုံမက်သူတွေနဲ့ LGBT အသိုင်းအဝိုင်းက သူတွေရဲ့ အခွင့်အရေးကို ထောက်ခံသူ ၆၀၀ ကျော် တက်ရောက်ခဲ့ပါတယ်။ AFP သတင်းဆောင်းပါးတပုဒ်ကို အခြေခံပြီး မအိသန့်စင်က ပြောပြပေးပါမယ်။
၂၀၁၈ ခုနှစ်ဟာ အမေရိကန်ပြည်ထောင်စုအတွက်တော့ အမျိုးသမီးတို့ရဲ့ နှစ်လို့ ဆိုရလောက်အောင် လွှတ်တော်မှာ စံချိန်တင်အောင် အမျိုးသမီးအမတ်တွေ ရွေးချယ်ခံခဲ့ရပါတယ်။ အမေရိကန်အမျိုးသမီးတွေအတွက် စိတ်လှုပ်ရှားစရာတွေရှိခဲ့တဲ့ ၂၀၁၈ နိုင်ငံရေးလောကအကြောင်း Jesusemen Oni ပေးပို့တဲ့သတင်းကို မအိသန့်စင်က ပြောပြပါမယ်။
၂၀၁၈ ခုနှစ်အတွင်းက ကျင်းပခဲ့တဲ့ ပွဲတော်တွေ၊ အောင်မြင်မှုတွေ၊ တီထွင်မှုတွေ နဲ့ ဂင်းနစ် ကမ္ဘာ့စံချိန် သစ်တွေ အကြောင်း မအိသန့်စင် နဲ့ ကိုငြိမ်းချမ်းတို့က တင်ပြထားပါတယ်။
အာဖဂန်နစ္စတန်အစိုးရနဲ့ တာလီဘန်သူပုန်တွေအကြား ငြိမ်းချမ်းရေး ဆွေးနွေးနိုင်ဖို့ မျှော်လင့်ချက်သစ်တွေ ထွက်ပေါ်နေပြီး အောင်မြင်ရင်တော့ အာဖဂန်ကမတည်ငြိမ်မှုတွေ အဆုံးသတ်နိုင်ခြေ ရှိပါတယ်။ ၂၀၁၈ ခုနှစ်တွင်း အာဖဂန်က အခြေအနေတွေနဲ့ပတ်သက်လို့ Ayesha Tanzeem သတင်းပေးပို့ထားတာကို မအိသန့်စင် တင်ပြထားပါတယ်။
မြန်မာစစ်တပ်က လူမျိုးတုံးသတ်ဖြတ်မှု ကျူးလွန်ကြောင်းနဲ့ရိုက်တာသတင်းသမား ၂ ယောက်ကို အမြန်ဆုံး လွှတ်ပေးဖို့ အမေရိကန်အောက်လွှတ်တော်က ကြာသပတေးနေ့တုန်းက ဆုံးဖြတ်လိုက်တဲ့ ဥပဒေကြမ်းကို ကန့်ကွက်မဲပေးခဲ့သူက အရီဇိုးနားပြည်နယ် ရီပါဘလစ်ကန်အမတ် Andy Biggs ဖြစ်ပါတယ်။
အမေရိကန်နိုင်ငံခြားရေးဌာနပြောခွင့်ရ Heather Nauert ကို ကုလသမဂ္ဂဆိုင်ရာ အမေရိကန်သံအမတ်ကြီးအဖြစ် ခန့်အပ်ဖို့ ဆုံးဖြတ်လိုက်ကြောင်း သမ္မတ Trump က အတည်ပြုလိုက်ပါတယ်။ အလားတူပဲ William Barr ကို နိုင်ငံတော်ရှေ့နေချုပ် ခန့်အပ်ဖို့ ရွေးချယ်လိုက်ပါတယ်။Jeff Custer သတင်းပေးပို့ထားတာကို မအိသန့်စင်က ပြောပြပေးပါမယ်။
နယူးယောက်မြို့ Manhattan ရပ်ကွက်ကို လှမ်းမျှော်ကြည့်နိုင်တဲ့ လွတ်လပ်ရေးသင်္ကေတ လစ်ဘာတီကျောက်ရုပ်ထုကြီးရှိရာ ကျွန်းမှာ စတုရန်းပေ ၂ သောင်း ၆ထောင်ရှိတဲ့ ပြတိုက်သစ်ကို တည်ဆောက်နေပြီး ၂၀၁၉ မှာ ဖွင့်နိုင်မယ်လို့ မျှော်လင့် ထားပါတယ်။ VOA သတင်းထောက် Ramon Taylor ရဲ့ သတင်းလွှာကို မအိသန့်စင်က ပြောပြပေးပါမယ်။
အိန္ဒိယနိုင်ငံအရှေ့မြောက်ဘက် ဝေးလံခေါင်သီတဲ့ တောင်ပေါ်ရွာတရွာမှာ ထူးထူးခြားခြား အမည်ပေးတဲ့ ဓလေ့တခုရှိပါတယ်။ နာမည်တွေကို ငှက်တွေတေးဆိုသလို အမည်ပေးလေ့ရှိတဲ့ ဒီကျေးရွာတရွာအကြောင်း AFP သတင်းဆောင်းပါးကို မအိသန့်စင်က တင်ပြထားပါတယ်။
ရုရှားရဲ့ တစိတ်တပိုင်းဖြစ်တဲ့ တောင်ထူထပ်တဲ့ Caucasus မြောက်ပိုင်း၊ Dagestan ဒေသခံတွေက ကြိုးတန်းလမ်းလျှောက်ကျွမ်းကျင်ကြပါတယ်။ နှစ်နဲ့ချီတရွာနဲ့ တရွာကြား လမ်း မပေါက်ခဲ့ချိန် ကြိုးတန်းလျှောက်သွားခဲ့ရာက ကျွမ်းကျင်လာကြတာပါ။ Dagestan ကြိုးတန်းလမ်းလျှောက်သူတွေက ကမ္ဘာတဝှမ်းဆပ်ကပ်ပွဲတွေမှာ နာမည်ကျော်ပါတယ်။
အောက်တိုဘာလ ၂ ရက်နေ့မှာ ကျရောက်တဲ့ အိန္ဒိယလွတ်လပ်ရေးခေါင်းဆောင်ကြီး မဟတ္တမ ဂန္ဒီရဲ့ နှစ် ၁၅၀ ပြည့် မွေးနေ့အထိမ်းအမှတ်အနေနဲ့ အိန္ဒိယကျောင်းသူကျောင်းသားလေးတွေက ဂန္ဒီ လို ဝတ်ဆင်ပြီး ယောဂ ကျင့်ခဲ့ကြပါတယ်။ ဂန္ဒီ ဟာ ၁၈၆၉ ခုနှစ်မှာ ဖွားမြင်ခဲ့ပြီး ၁၉ ၄၈ ခုနှစ်၊ ဇန်နဝါရီလ ၃၀ ရက်နေ့မှာ လုပ်ကြံခံခဲ့ရပါတယ်။
နောက်ထပ်ကြည့်ရှုရန်
