ဗမာနိုင်ငံလုံးဆိုင်ရာကျောင်းသားသမဂ္ဂများ အဖွဲ့ချုပ်(ဗကသ) ပဲခူးတိုင်း ဒုဥက္ကဌ ကိုခန့်လင်းနိုင် အပါအဝင် နိုင်ငံရေးအကျဉ်းသား လေးဦးဟာ ဒိုက်ဦးအကျဉ်းထောင်ကနေ ဇွန်လ (၂၇) ရက်နေ့က ရွှေ့ပြောင်းချိန် လုံခြုံရေးတပ်ဖွဲ့တွေရဲ့ ပစ်ခတ်မှုနဲ့ သေဆုံးခဲ့ကြောင်း ဗကသက ပြီးခဲ့တဲ့ ရက်ပိုင်းအတွင်း သတင်းထုတ်ပြန်ထားပါတယ်။
တရုတ်နိုင်ငံမှာ ရောက်နေတဲ့ အမေရိကန် ဘဏ္ဍာရေးဝန်ကြီး Jenet Yellen နဲ့ တရုတ် ဒုတိယဝန်ကြီးချုပ် He Lifeng တို့ ဘေဂျင်းမြိုတော်မှာ ဒီနေ့စနေ့နေ့မှာ တွေ့ဆုံခဲ့ကြစဉ် ၂ နိုင်ငံကြား ပိုမိုကောင်းမွန်တဲ့ဆက်သွယ်ရေးလမ်းကြောင်း ထားနိုင်ဖို၌ မျှော်လင့်ကြောင်း ၂ ယောက်လုံးက ပြောကြားခဲ့ကြပါတယ်။
တောင်ကိုရီးယားနိုင်ငံကို ရောက်လာတဲ့ နိုင်ငံတကာ အနုမြူစွမ်းအင်အေဂျင်စီ (IAEA) အကြီးအကဲ Rafael Grossi ဟာ တောင်ကိုရီးယားမှာ ဆန္ဒပြကန့်ကွက်ပွဲတွေနဲ့ ရင်ဆိုင်ခဲ့ရပါတယ်။
ဆင့်ကဲပေါက်ကွဲစေတဲ့ Cluster Bomb ဗုံးလက်နက်တွေကို ယူကရိန်းနိုင်ငံကို ပို့ပေးမယ့် ဆုံးဖြတ်ချက်နဲ့ပါတ်သက်လို့ အမေရိကန်ပြည်ထောင်စုက ကာကွယ်ပြောဆိုနေပါတယ်။
ရိုဟင်ဂျာဒုက္ခသည်အရေး၊ လူကုန်ကူးမှုတိုက်ဖျက်ရေးတွေကို ဆွေးနွေးဖို့ အမေရိကန် အဆင့်မြင့် သံတမန်တယောက် အိန္ဒိယနဲ့ ဘင်္ဂလားဒေ့ရှ်နိုင်ငံတို့ကို သွားရောက်နေပါတယ်။
အိန္ဒိယနိုင်ငံ အရှေ့မြောက်ပိုင်း နာဂလန်းပြည်နယ် Chümoukedima ဒေသမှာ တောင်ပေါ်က ကျောက်တုံးကြီးတွေလိမ့်ကျလာတာကြောင့် ကားလမ်းမှာရှိနေတဲ့ ကား ၃ စီးပေါ်ကို ထိမိပြီး ၂ ဦးသေဆုံး ၃ ဦးဒဏ်ရာရခဲ့ပါတယ်။ ဇူလိုင်လ ၄ ရက်နေ့က အဲဒီဖြစ်ရပ်ကို ကားတစီးရဲ့ ကင်မရာကနေမှတ်တမ်းရရှိခဲ့ပါတယ်။
မြန်မာနိုင်ငံရဲ့ပဋိပက္ခ ဖြေရှင်းရေးအတွက် သက်ဆိုင်သူအားလုံးပါဝင်တဲ့ တနိုင်ငံလုံးအတိုင်းအတာနဲ့ တွေ့ဆုံဆွေးနွေးမှုပြုလုပ်ဖို့ အင်ဒိုနီးရှားနိုင်ငံက အားပေးကြောင်း နိုင်ငံခြားရေးဝန်ကြီး Retno Marsudi က ဒီကနေ့ ဇူလိုင် ၇ ရက်နေ့မှာ ပြောကြားလိုက်ပါတယ်။
ဂျပန်နိုင်ငံ Fukushima နျူကလီးယားဓါတ်အားပေးစက်ရုံက သန့်စင်ပြီးသား ရေဒီယိုသတ္တိကြွ ရေတွေကို ပင်လယ်ထဲ စွန့်မယ့်အစီအစဉ်ဟာ နိုင်ငံတကာ စံချိန် စံနှုန်းတွေနဲ့ ညီ်ပါတယ်လို့ တောင်ကိုရီးယားအစိုးရက ဒီနေ့ပြောကြားလိုက်ပါတယ်။
မက္ကဆီကိုနိုင်ငံ အပန်းဖြေကစားကွင်းတခုမှာ ဇွန်လ ၂၅ရက်နေ့က ဇစ်ပ်လိုင်းနဲ့ ကြိုးတန်းတွဲလောင်းခိုစီးနေစဉ် ကလေးတယောက် အောက်ကိုပြုတ်ကျသွားခဲ့တာပါ။ အမြင့်ပေ ၄၀ (၁၂ မီတာ)လောက်ကျသွားတာဖြစ်ပေမယ့် အောက်မှာရေကန်ကြီးရှိနေပြီး လူတဦးကအချိန်မှီကယ်ဆယ်လိုက်နိုင်တာကြောင့် ကံကောင်းထောက်မစွာပဲ ထိခိုက်ဒဏ်ရာမရခဲ့ပါဘူး။
တရုတ်ပြည် ဘေကျင်းမြို့တော်မှာ ရာသီဉတု အပူချိန်သိပ်ပြင်းလွန်းတဲ့အတွက် အပြင်ဘက်မှာ လုပ်ကိုင်တဲ့ လုပ်ငန်းတွေ အားလုံးရပ်ဆိုင်းထားဖို့ ကုမ္ပဏီတွေကို တရုတ်အစိုးရက အမိန့်ထုတ်ထားပါတယ်။
လက်နက်ကိုင် ပဋိပက္ခတွေအတွင်း ကလေးသူငယ်တွေနဲ့ပတ်သက်လို့ ကုလသမဂ္ဂက နောက်ဆုံးထုတ်ပြန်တဲ့ အစီရင်ခံစာနဲ့ ပတ်သက်ပြီး မနေ့က ကုလသမဂ္ဂလုံခြုံရေးကောင်စီမှာ ဆွေးနွေးပွဲကျင်းပခဲ့ပါတယ်။
သန်းပေါင်းများစွာသော မြန်မာပြည်သူတွေ စစ်တပ်ရဲ့အုပ်ချုပ်မှုအောက်မှာ ဆင်းရဲဒုက္ခခံစားနေကြရပြီး စစ်အာဏာသိမ်းပြီးနောက်ပိုင်းမှာ မြန်မာနိုင်ငံရဲ့ လူ့အခွင့်အရေး အခြေအနေဟာ သိသိသာသာ ဆိုးရွားလာခဲ့တယ်လို့ ဗြိတိန်လူ့အခွင့်အရေးဆိုင်ရာ သံအမတ်ကြီး Rita French က ပြောကြားလိုက်ပါတယ်။
မြန်မာနိုင်ငံပဋိပက္ခ အဆုံးသတ်ရေး နိုင်ငံရေးအရ အဖြေရှာတဲ့အခါ ဘယ်လိုပဲ အဖြေရှာရှာ၊ ကျုးလွန်ခဲ့တဲ့ လူ့အခွင့်အရေးချိုးဖေါက်မှုတွေကို အရေးယူနိုင်တဲ့ တာဝန်ခံမှုရှိရမှာဖြစ်ပြီး နိုင်ငံတကာ ရာဇဝတ်ခုံရုံးက အရေးယူနိုင်ဖို့လိုကြောင်း လူ့အခွင့်အရေးဆိုင်ရာ ကုလသမဂ္ဂ မဟာမင်းကြီး Volker Türk က ပြောဆိုသွားပါတယ်။
မြန်မာစစ်ကောင်စီဟာ ဒီမိုကရေစီအရေး တက်ကြွလှုပ်ရှားသူတွေနဲ့ လူ့အခွင့်အရေးကို လေးစားလိုက်နာသူတွေရဲ့အသံတွေ တိတ်သွားအောင် ဒီဂျစ်တယ်နည်းပညာအသုံးချမှုကို ကန့်သတ် ချုပ်ခြယ်ထားတယ်လို့ လူ့အခွင့်အရေးအဖွဲ့ Article 19 က ဆွစ်ဇာလန်နိင်ငံ ဂျနီဗာမြို့မှာ ကျင်းပတဲ့ လူ့အခွင့်အရေးကောင်စီမှာ ဒီနေ့တင်ပြထားသွားပါတယ်။
အမေရိကန်ပြည်ထောင်စုကို တရားဝင်အလည်အပတ်ရောက်ရှိနေတဲ့ ဆွီဒင်ဝန်ကြီးချုပ် Ulf Kristresson ကို အမေရိကန်သမတ ဂျိုးဘိုင်ဒန်က အိမ်ဖြူတော်မှာလက်ခံတွေ့ဆုံခဲ့ပြီး၊ ဆွီဒင်နိုင်ငံ NATO စစ်မဟာ မိတ်အဖွဲ့ဝင်ဖြစ်လာရေးအပြည့်အဝထောက်ခံကြောင်းပြောဆိုခဲ့ပါတယ်။
အမေရိကန်နိုင်ငံဟာ ထိုင်ဝမ်ကို ခေတ်မီ စစ်လက်နက်တွေ ရောင်းချပေးပြီး အန္တရာယ်တွင်းထဲ တွန်းပို့နေတယ်လို့ တရုတ်ကာကွယ်ရေးဝန်ကြီးဌာနက ဗုဒ္ဓဟူးနေ့မှာ စွပ်စွဲလိုက်ပါတယ်။
အမေရိကန်နဲ တရုတ်ကြားက ဆက်ဆံရေး တင်းမာနေတာတွေကို ဖြေရှင်းနိုင်ဖို့ ကြိုးပမ်းမှုအဖြစ် အမေရိကန်ဘဏ္ဍာရေးဝန်ကြီး Janet Yellen ဟာ ကြာသပတေးနေ့မှာ တရုတ်နိုင်ငံခရီး စတင်ပါမယ်။
အမေရိကန်သမ္မတဂျိုးဘိုင်ဒန်ဟာ ဆွီဒင်ဝန်ကြီးချုပ် Ulf Kristersson ကို ဒီကနေ့ ဗုဒ္ဓဟူးနေ့မှာ အိမ်ဖြူတော်မှာ လက်ခံ တွေ့ဆုံမှာ ဖြစ်ပါတယ်။ ဒါဟာ နေတိုးမဟာမိတ်အဖွဲ့နိုင်ငံတွေက ခေါင်းဆောင်တွေ လစ်သူယေးနီးယားနိုင်ငံမှာ ထိပ်သီးစည်းဝေးပွဲ ကျင်းပဖို့ ပြင်ဆင်နေချိန်မှာဘဲ အခုလို တွေ့ဆုံတာပါ။
ထောင်ဒဏ် ၃၃ နှစ် ချမှတ်ခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပေါ်စွဲဆိုထားတဲ့ အမှုတွေထဲက ၂ မှုနဲ့ ပတ်သက်ပြီး ပြည်ထောင်စုအဆင့် အထက်တရားရုံးမှာ ပြင်ဆင်ချက် ပြန်လည်လျှောက်ထားတာကို ဒီကနေ့ နေပြည်တော် အထူးတရားရုံးမှာ ကြားနာပါတယ်။
ဇူလိုင်လအတွင်း ကုလလုံခြုံရေးကောင်စီ အလှည့်ကျဥက္ကဋ္ဌအဖြစ် တာဝန်ယူတဲ့အချိန်မှာ မြန်မာအပါအဝင် ကမ္ဘာတဝှမ်း ကြုံနေရတဲ့ ပဋိပက္ခတွေအတွင်း အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုကျုးလွန်တဲ့ ကိစ္စတွေ ဖြေရှင်းရေး အလေးပေးဆွေးနွေးသွားမယ့်အကြောင်း ကုလဆိုင်ရာ ဗြိတိန်သံအမတ်ကြီးက ပြောပါတယ်။
နောက်ထပ်ကြည့်ရှုရန်
