တောင်ကိုရီးယားနိုင်ငံမှာ တာဝန်ထမ်းဆောင်နေရင်း ပြစ်ဒဏ်ချခံရပြီးနောက် အမေရိကန်ပြည်ထောင်စုက တပ်ရင်းကို ပြန်ပို့ခံရတဲ့ စစ်သားတဦး မြောက်ကိုရီးယားနိုင်ငံထဲ ပြေးဝင်သွားတဲ့ ကိစ္စကြောင့် အမေရိကန်ခေါင်းဆောင်တွေ ခေါင်းခဲနေပါတယ်။
ပြီးခဲ့တဲ့ ဇွန်လတုန်းက နျူးကလီးယားစွမ်းအင်သုံး ကန်ရေငုပ်သင်္ဘောတစင်း (SSGN) တောင်ကိုရီးယားဆိပ်ကမ်းကိုဆိုက်ရောက်လာပြီးတဲ့နောက် ဇူလိုင်လ ၁၈ရက်နေ့မှာတော့ နျူးကလီးယားပဲ့ထိန်းတပ်ဒုံးကျည်တပ်ဆင်ထားတဲ့ ရေငုပ်သင်္ဘော USS Kentucky (SSBN) ထပ်မံရောက်ရှိလာပါတယ်။
အာဏာသိမ်းမှုနောက်ပိုင်း မြန်မာနိုင်ငံရဲ့ ပညာရေးစနစ် စိုးရိမ်ဖွယ်အနေအထားမှာ ရှိကြောင်း ကမ္ဘာ့ဘဏ်က သုံးသပ်ထားပါတယ်။
တရုတ်နိုင်ငံကို ရုတ်တရက် သွားရောက်ခဲ့တဲ့ အမေရိကန် နိုင်ငံခြားရေးဝန်ကြီးဟောင်း Henry Kissinger ရဲ့ သံတမန်ရေး စွမ်းဆောင်ရည်ကို တရုတ်ထိပ်တန်းသံတမန်က ချီးကျုးလိုက်ပါတယ်။
ထိုင်းနိုင်ငံမှာ ရွေးကောက်ပွဲ အနိုင်ရ Move Forward ပါတီခေါင်းဆောင် Pita Limjareonrat ကို ဝန်ကြီးချုပ်ရာထူးအတွက် နောက်ထပ် ရွေးချယ်ခံခွင့် မရှိတော့ကြောင်း လွှတ်တော်က ဆုံးဖြတ်လိုက်ပါတယ်။
ရွက်လှေတစင်း၊ ခွေးလေးတကောင်နဲ့ ပင်လယ်ပြင်မှာ ၃ လကြာ မျောပါပျောက်ဆုံးနေသူကို ငါးဖမ်းလှေက ကယ်ဆယ်ရမိတော့ သူ့ဖာသူ သေလူလို့ သတ်မှတ်ထားတာပါ။ ဩစတြေးလျနိုင်ငံသား အသက် ၅၄ နှစ်အရွယ် Tim Shaddock ဟာ သူ့နောက် တကောက်ကောက်လိုက်နေတဲ့ လမ်းဘေးခွေးလေးကို ခေါ်ပြီး မိုင် ၄,၀၀၀ နီးပါးအဝေး ရွက်လွှင့်ခဲ့တာ ဖြစ်ပါတယ်။
အခု ဗုဒ္ဓဟူးနေ့ အစောပိုင်းမှာ မြောက်ကိုရီးယားနိုင်ငံက ပဲ့ထိန်းတပ် ဒုံးနှစ်စင်း အရှေ့ဖက်ခြမ်းကို ပစ်လွှတ်ခဲ့ပြီး နှစ်စင်းလုံးဟာ ဂျပန်ပင်လယ်ပြင် စီးပွားရေးဇုံအတွင်းထဲကို ကျရောက်ခဲ့ပုံရတယ်လို့ ဂျပန်ကာကွယ်ရေးဝန်ကြီးကပြောပါတယ်။
အမေရိကန်စစ်သည်တဦးဟာ ကိုရီးယားနှစ်နိုင်ငံကြား ပူးတွဲလုံခြုံရေးယူထားတဲ့ဧရိယာကို ပိုင်းထားတဲ့ နယ်ခြားကို အင်္ဂါနေ့က တရားမဝင်ဖြတ်ကျော်ဝင်ရောက်ပြီးနောက် မြောက်ကိုရီးယားရဲ့ ဖမ်းဆီးမှုခံ ထားရတယ်လို့ ယူဆရပါတယ်။
အိန္ဒိယနိုင်ငံမှာ ကျင်းပနေတဲ့ G20 စက်မှုထိပ်သီး နိုင်ငံများရဲ့ ဘဏ္ဍာရေးဝန်ကြီးများ အစည်းအဝေးမှာ တိုးတက်မှုတွေ သိသိသာသာမရရှိဘဲ အင်္ဂါနေ့မှာ ပြီးဆုံးခဲ့ပါတယ်။
ဘီလာရုစ်နိုင်ငံက အာဏာပိုင်တွေဟာ လွတ်လပ်တဲ့ဥရောပအသံရေဒီယို အပါအဝင် သတင်းဌာန အတော်များများမှာ လုပ်ကိုင်ခဲ့ဖူးတဲ့ ထင်ရှားတဲ့ သတင်းထောက် တဦး ဖြစ်သူ Ihar Karnei ကို တနင်္လာနေ့က ဖမ်းဆီးလိုက်ပါတယ်။
အပူချိန်လွန်ကဲမှုနဲ့ ဆက်စပ်နေတဲ့ အကြောင်းတရားများကြောင့် နှစ်စဉ် သေဆုံးရသူက သိန်းနဲ့ချီ ရှိနေလို့ နိုင်ငံတကာ အစိုးရတွေ အနေနဲ့ အပူဒဏ် ကာကွယ်ရေး စီမံချက်တွေ ချမှတ်ဖို့ ကမ္ဘာ့ မိုးလေဝသအဖွဲ့ကြီး က တောင်းဆိုလိုက်ပါတယ်
မြန်မာနိုင်ငံအတွင်း လူသားချင်းစာနာထောက်ထားမှုနဲ့ ဖွံဖြိုးရေးအစီအစဉ်တွေအတွက် ယူကေအစိုးရ နိုင်ငံခြားရေးရုံးက ၂၀၂၃ နဲ့ ၂၀၂၄ ဘဏ္ဍာရေးနှစ်မှာ စတာလင်ပေါင် သန်း ၃၀ နဲ့ တသိန်း အသုံးပြုရေး အတည်ပြုထားတဲ့အကြောင်း မနေ့က ထုတ်ပြန်တဲ့ ယူကေ မြန်မာ ဖွံဖြိုးရေးဆိုင်ရာ အစီရင်ခံစာ အကျဉ်းချုပ်မှာ ဖေါ်ပြပါတယ်။
ဥရောပသမဂ္ဂ (EU) နဲ့ လက်တင်အမေရိကနဲ့ ကာရေဘီယံ နိုင်ငံများ အသိုက်အဝန်း (CELAC) ခေါင်းဆောင်တွေဟာ (၈) နှစ်အတွင်း ပထမဆုံး ထိပ်သီးအစည်းအဝေးပွဲ အဖြစ် ဥရောပသမဂ္ဂ ရုံးချုပ် ရှိရာ ဘယ်လ်ဂျီယံ နိုင်ငံ မြို့တော် ဘရပ်ဆဲလ်မှာ တနင်္လာနေ့က တွေ့ဆုံကြပါတယ်။
အမေရိကန် သမ္မတရဲ့ ဥတုရာသီဆိုင်ရာအထူးကိုယ်စားလှယ်အဖြစ် တာဝန်ယူထားတဲ့ နိုင်ငံခြားရေး ဝန်ကြီးဟောင်း John Kerry ဟာတရုတ်ပြည်ကို ရောက်ရှိနေပြီး ဘေဂျင်းမှာ တရုတ်တာဝန်ရှိသူတွေနဲ့ တနင်္လာနေ့ကတွေ့ဆုံခဲ့ပါတယ်။
ယူကရိန်းက ကောက်နှံတွေကို ပြည်ပတင်ပို့နိုင်ဖို့ ယူကရိန်းဆိပ်ကမ်းသုံးခုကနေ ပင်လယ်နက်အတွင်း ရုရှားစစ်သင်္ဘောတွေ ဖြတ်ကျော်ခွင့်ပြုတဲ့ တနှစ်နီးပါးကြာ သဘောတူညီချက်ကို ပယ်ဖျက်လိုက်ပြီလို့ ရုရှားက တနင်းလာနေ့မှာ ကြေညာပါတယ်။
ပြီးခဲ့တဲ့ထိုင်းရွေးကောက်ပွဲမှာ အများစုအနိုင်ရထားတဲ့ Move Forward Party ခေါင်းဆောင် Pita Limjaroenrat ကို လွှတ်တော်မှာ ဝန်ကြီးချုပ်ရွေးချယ်မှု မဲခွဲရာမှာ ရှုံးနိမ့်ခဲ့ပေမယ့် မဟာမိတ်ပါတီ ရှစ်ပါတီကတော့ သူ့ကို ဝန်ကြီးချုပ်အဖြစ် အစိုးရသစ်ဖွဲ့နိုင်ဖို့ ထောက်ခံထားတုန်းပဲလို့ Pita က တနင်းလာနေ့မှာပြောပါတယ်။
မြန်မာ၊ အိန္ဒိယ၊ ထိုင်း ၃ နိုင်ငံ အဝေးပြေးလမ်း စီမံကိန်းနဲ့ နယ်စပ်ဒေသ တည်ငြိမ်ရေး ကိစ္စတွေကို သက်ဆိုင်ရာနိုင်ငံက တာဝန်ရှိသူတွေ ထိုင်းနိုင်ငံမှာ ဆွေးနွေးခဲ့ကြပါတယ်။
ဝင်ဘယ်ဒန် ချန်ပီယံ ဆု ကို စပိန်နိုင်ငံ က အသက် ၂၀ အရွယ် လူငယ် ကားလော့စ် အယ်ကာရက်ဇ် Carlos Alcaraz က နိုဗက် ဂျိုကိုဗစ် ကို အနိုင်ရရှိ ဗိုလ်စွဲသွားပါတယ်။
တောင်ကိုရီးယားနိုင်ငံမှာ မိုးကြီးနေတာကြောင့်အနည်းဆုံး လူ ၂၆ ယောက် သေဆုံးပြီး အခြား လူ ၁၀ ဦးတို့လည်း ပျောက်ဆုံးနေပါတယ်။
ဂျပန်ပင်လယ်ပြင်ထဲမှာ ရုရှားရေနဲ့လေတပ်ဖွဲ့တွေနဲ့ ပူးတွဲစစ်ရေးလေ့ကျင်ဖို့ တရုတ်စစ်ရေယာဉ်အုပ်စု တနင်္ဂနွေနေ့က ထွက်ခွာသွားတယ်လို့ တရုတ်ကာကွယ်ရေးဝန်ကြီးဌာနက ထုတ်ပြန်ပါတယ်။
နောက်ထပ်ကြည့်ရှုရန်
