NUG ကြားကာလအမျိုးသားညီညွတ်ရေးအစိုးရအနေနဲ့ အမေရိကန်ပြည်ထောင်စုကနေ ဒရုန်းတွေ၊ သံချပ်ကာမော်တော်ယာဉ်တွေ၊ ရေဒါစောင့်ကြည့်မှုကိရိယာတွေ ဝယ်ယူဖို့အပါအဝင် လက်နက်မဟုတ်တဲ့ အကူအညီနဲ့ လူသားချင်းစာနာမှုအကူအညီတွေအတွက် စုစုပေါင်း ဒေါ်လာ ၅၂၅ သန်း အကူအညီတောင်းခံထားတယ်လို့ သိရပါတယ်။
အိန္ဒိယနိုင်ငံမှာ ကျင်းပနေတဲ့ G-20 စီးပွားရေးအင်အားကြီးနိုင်ငံတွေရဲ့ ဘဏ္ဍာရေးဝန်ကြီးများ အစည်းအဝေးကို တက်ရောက်လာတဲ့ အမေရိကန် ဘဏ္ဍာရေးဝန်ကြီး Janet Yellen က ကြွေးမြီ ကိစ္စနဲ့ အခြားကမ္ဘာစိန်ခေါ်မှုတွေအတွက် တရုတ်နဲ့ လက်တွဲလုပ်ဆောင်ဖို့ အမေရိကန်က စိတ်အားထက်သန်နေကြောင်း ပြောကြားလိုက်ပါတယ်။
ကမ္ဘာပေါ်က ကာဗွန်ဓါတ်ငွေ ထုတ်လွှတ်မှုအများဆုံး ၂ နိုင်ငံဖြစ်တဲ့ အမေရိကန်နဲ့ တရုတ်နိုင်ငံကြား ရပ်ဆိုင်းနေတဲ့ ဆွေးနွေးမှုတွေကို ပြန်လည်စတင်ဖို့အတွက် အမေရိကန်ပြည်ထောင်စုရဲ့ ရာသီဥတုပြောင်းလဲမှု တိုက်ဖျက်ရေးဆိုင်ရာ သံတမန် တရုတ်နိုင်ငံကို ဒီနေ့ ရောက်ရှိလာတယ်လို့ တရုတ်အစိုးရပိုင်မီဒီယာက ပြောလိုက်ပါတယ်။
ထိုင်းနဲ့ မြန်မာ နှစ်နိုင်ငံအကြား လေကြောင်းခရီးသွားလာရေးမှာ ခရီးသည်ဝန်ဆောင်မှုတွေကို တိုးချဲ့မြှင့်တင်ပြီး ထိုင်းအပြည်ပြည်ဆိုင်ရာ လေကြောင်းလိုင်း Thai Airways International ရဲ့ အဲယားဘတ်စ် A320 ရန်ကုန်-ဘန်ကောက် ခရီးစဉ်ကို မနေ့ တနဂ်နွေက စတင်လိုက်ပါတယ်။
ယူကရိန်းနိုင်ငံအတွက် လူသားချင်းစာနာတဲ့ အကူအညီနဲ့ လက်နက်မဟုတ်တဲ့ စစ်ရေးအကူအညီတွေ တိုးပေးသွားမယ်လို့ တောင်ကိုရီးယားသမ္မတ Yoon Suk Yeol က Kyiv မြို့တော်မှာ သမ္မတ Volodymyr Zelensky နဲ့တွေ့ဆုံစဉ်မှာ ကတိပြုခဲ့ပါတယ်။
တရုတ်နဲ့ အိန္ဒိယ ၂ နိုင်ငံဆက်ဆံရေး တည်ငြိမ်အောင်လုပ်ဖို့ လိုအပ်တယ်လို့ တရုတ်အစိုးရ အကြီးတန်းတာဝန်ရှိသူ Wang Yi က အိန္ဒိယနိုင်ငံခြားရေးဝန်ကြီးနဲ့ တွေ့ဆုံစဉ် ပြောကြားခဲ့ပါတယ်။
ရှမ်းပြည်နယ်မြောက်ပိုင်း လားရှိုးမြို့ မြို့မဈေးက ရွှေဆိုင်တစ်ဆိုင်ရှေ့မှာ ဒီကနေ့ စနေနေ့ မနက်က ပေါက်ကွဲမှု ဖြစ်ပွားခဲ့တာကြောင့် ဆိုင်ဝန်ထမ်း ၁၀ ဦးထက်မနည်း ထိခိုက်ဒဏ်ရာရခဲ့ပါတယ်။
တောင်ကိုရီးယားနိုင်ငံမှာ ၃ ရက်ဆက်တိုက် မိုသည်းထန်စွာရွာသွန်းမှုကြောင့် လူ ၂၂ ယောက်သေဆုံးပြီး ၁၄ ယောက် ပျောက်ဆုံးနေတယ်လို့ တောင်ကိုရီးယားအစိုရက ဒီနေ့ပြောကြားလိုက်ပါတယ်။ မိုးကြီးမှုကြောင့် ရေကြီးမြေပြိုမှုတွေ ဖြစ်နေသလို ရေကာတာတခုလည်း ရေလျှံခဲ့ပါတယ်။
မေလမှာကျင်းပခဲ့တဲ့ ထိုင်းရွေးကောက်ပွဲမှာ မဲအများစု အနိုင်ရထားတဲ့ Move Forward ပါတီ ခေါင်းဆောင် Pita Limjaroenrat ကို ဝန်ကြီးချုပ်သစ် နေရာ ခန့်ထားဖို့ လွှတ်တော်မှာ မဲခွဲ ဆုံးဖြတ်တာ မအောင်မမြင်ဖြစ်ခဲ့ပြီးတဲ့နောက် သူ့ကိုထောက်ခံသူတွေ သောကြာနေ့ ညနေပိုင်းကစလိုဘန်ကောက်မြို့လယ်မှာ စုဝေး ဆန္ဒပြခဲ့ကြပါတယ်။
မြန်မာနိုင်ငံအရေးကိစ္စတွေ အပါအဝင်၊ တရုတ်နဲ့ အာဆီယံ အရှေ့တောင်အာရှနိုင်ငံများအသင်း ဆက်ဆံရေး အခြေအနေတွေ ကို ဝါရှင်တန်ဒီစီအခြေစိုက် USIP အမေရိကန်ငြိမ်းချမ်းရေး အင်စတီကျူရဲ့ မြန်မာနိုင်ငံဆိုင်ရာ ညွန်ကြားရေးမှူး Jason Tower ကို VOA က ဆက်သွယ်မေးမြန်းထားပါတယ်။
အမေရိကန်ပြည်ထောင်စုက Hollywood ရုပ်ရှင်နဲ့ ရုပ်သံစာရေးဆရာတွေ၊ ဇာတ်ညွှန်းဆရာတွေအပါအဝင် သရုပ်ဆောင်များသမဂ္ဂအဖွဲ့ဝင်တွေ ဒီနေ့ ဆန္ဒပြနေကြတာကြောင့် ရိုက်ကူးရေးတွေ ထိခိုက်နေပါတယ်၊
အိန္ဒိယနိုင်ငံ နယူးဒေလီမြို့အနှံ့ရေကြီးမှုဒဏ်ခံနေရတာကို ဇူလိုင် ၁၄ရက်နေ့က တွေ့ရတာပါ။ နေရာတော်တော်များများ သောကြာနေ့မှာ ရေလွှမ်းမိုးမှုကြောင့် အများပြည်သူသွားလာရေးတွေထိခိုက်ရသလို ယာဉ်ကြောပိတ်ဆို့မှုဒဏ်လည်း ခံခဲ့ရပါတယ်။
အီးယူ ဥရောပသမဂ္ဂအနေနဲ့ မြန်မာစစ်ကောင်စီကို အသိအမှတ်မပြုကြောင်း အင်ဒိုနီးရှားနိုင်ငံမှာ ကျင်းပနေတဲ့ အာဆီယံစည်းဝေးပွဲကို တက်ရောက်နေတဲ့ အီးယူ နိုင်ငံခြားမူဝါဒရေးရာ အကြီးအကဲ Josep Borrell က ဒီကနေ့ ဇူလိုင်လ ၁၃ ရက်နေ့မှာ ပြောကြားလိုက်ပါတယ်။
ထိုင်းနိုင်ငံ ရွေးကောက်ပွဲ လွှတ်တော်အမတ်နေရာ အများဆုံး အနိုင်ရထားတဲ့ Move Forward ပါတီခေါင်းဆောင် Pita Limjaroenrat ဝန်ကြီးချုပ်သစ်အဖြစ် ရွေးချယ်ရေး ဒီနေ့ ပါလီမန်မှာ မဲခွဲကြပေမဲ့ လိုအပ်တဲ့ ထောက်ခံမဲ အပြည့်အဝမရခဲ့ပါဘူး။
လစ်သူရေးနီးယားနိုင်ငံမှာ ၂ ရက်ကြာကျင်းပခဲ့တဲ့ NATO ထိပ်သီးအစည်းအဝေးကိုတက်ရောက်ခဲ့တဲ့ အမေရိကန် သမ္မတဂျိုးဘိုင်ဒန်က ဒီအစည်းအဝေးကနေ ယူကရိန်းအတွက် ရလဒ်ကောင်းတွေ ထွက်ပေါ် ခဲ့တယ်လို့ပြောဆိုခဲ့သလို၊ ရုရှားကိုလည်း အပြင်းအထန်သတိပေးလိုက်ပါတယ်။
ပါရှန်ပင်လယ်ကွေ့ထဲက ပိုင်ဆိုင်မှု အငြင်းပွားနေတဲ့ ကျွန်းစုတွေနဲ့ ပတ်သက်ပြီး အခုသီတင်းပတ်ထဲမှာ ရုရှားနိုင်ငံက အာရပ်နိုင်ငံတွေနဲ့ ပူးတွဲကြေညာချက်ထုတ်ပြန်ပြီးတဲ့နောက်မှာ အီရန်က ရုရှားသံအမတ်ကို ဆင့်ခေါ်လိုက်ပါတယ်။
အမေရိကန်နိုင်ငံခြားရေးဝန်ကြီး Antony Blinken ဟာ အာဆီယံနဲ့မဟာမိတ်နိုင်ငံများအစည်းအဝေးတက်ရောက်ဖို့ အင်ဒိုနီးရှားနိုင်ငံ ဂျာကာတာကို ဇူလိုင်လ ၁၃ ရက်နေ့နဲ့ ၁၄ ရက်နေ့တွေမှာသွားရောက်မှာဖြစ်ပါတယ်။
အထိန်းသိမ်းခံနေရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံခဲ့တယ်ဆိုတဲ့ ထိုင်း နိုင်ငံခြားရေးဝန်ကြီးရဲ့ ပြောဆိုချက်ဟာ အတည်ပြုချက် မပေးနိုင်တဲ့၊ ပေးလို့မရတဲ့ အခြေအနေမှာ ထွက်ပေါ်လာတဲ့ သတင်းတွေဖြစ်တယ်လို့ NUG အမျိုးသားညီညွတ်ရေးအစိုးရပြောခွင့်ရ ဦးနေဘုန်းလတ်က ဗွီအိုအေကို ပြောပါတယ်။
မြန်မာနိုင်ငံအတွင်း အကြမ်းဖက်မှုတွေ ရပ်တန့်ဖို့နဲ့ ဆေးရုံ စာသင်ကျောင်းစတဲ့ အရပ်သားတွေ ထိခိုက်သေကြေစေတဲ့ တိုက်ခိုက်မှုတွေ အဆုံးသတ်ဖို့ အင်ဒိုနီးရှား နိုင်ငံခြားရေး ဝန်ကြီး Retno Marsudi က အင်ဒိုနီးရှားမှာ ကျင်းပနေတဲ့ အာဆီယံနိုင်ငံခြားရေးဝန်ကြီးတွေရဲ့ အစည်းအဝေးမှာ ဒီနေ့ ပြောဆိုတိုက်တွန်းသွားပါတယ်။
ထိုင်းရွေးကောက်ပွဲကော်မရှင်က ဝန်ကြီးချုပ်လောင်း Pita Limjaroenrat ကို လွှတ်တော်အမတ်အဖြစ်ကနေ ရုပ်သိမ်းဖို့ ဖွဲ့စည်းပုံ အခြေခံဥပဒေတရားရုံးကို ဒီနေ့ပဲ အကြံပြုတင်ပြလိုက်ပါတယ်။ ထိုင်းနိုင်ငံမှာ ဝန်ကြီးချုပ်သစ်တဦးကို မနက်ဖြန် ရွေးချယ်ဖို့ ရှိနေချိန်မှာပဲ ရွေးကောက်ပွဲ ကော်မရှင်ရဲ့ တင်ပြချက် ထွက်လာတာပါ။
နောက်ထပ်ကြည့်ရှုရန်
