ပြည်ထောင်စု အစိုးရ ဝန်ဆောင်မှုနဲ့ ဝန်ထမ်း အရေအတွက် လျှော့ချနိုင်ရေး ပိုပြီး ပြင်းပြင်းထန်ထန်နဲ့ တိုးမြှင့်လုပ်ဆောင်ဖို့ အမေရိကန် သမ္မတ ဒေါ်နယ်ထရမ့်က အစိုးရ ဌာန စွမ်းဆောင်ရည် စိစစ် အကဲဖြတ်ရေး တာဝန်ပေးထားတဲ့ ကုဋေကြွယ် သူဌေးကြီး အီလွန်မတ်စ်ကို စနေနေ့က တိုက်တွန်းလိုက်ပါတယ်။
ဝါရှင်တန်မြို့တော်အနီးမှာကျင်းပတဲ့ ကွန်ဆာဗေးတစ် နိုင်ငံရေးလှုပ်ရှားမှုညီလာခံ CPAC ရဲ့ နောက်ဆုံးနေ့ဖြစ်တဲ့ စနေနေ့မှာ အမေရိကန်သမ္မတ ဒေါ်နယ်ထရမ့်က ညီလာခံအပိတ်မိန့်ခွန်းပြောခဲ့ပြီး “တိုင်းပြည်ကို ကျနော်တို့ပြန်ရခဲ့ပြီ” လို့ ကြွေးကြော်ခဲ့ပါတယ်။ ညီလာခံတက်တဲ့ ပရိသတ်တွေကလည်း “USA” ဆိုပြီး ဟစ်ကြွေးခဲ့ပါတယ်။
ကြာသပတေးနေ့ကလည်း ပေါက်တောမြို့နယ်က ကျေးရွာ ၆ ရွာလောက်ကို စစ်ကောင်စီတပ်က လေကြောင်းကနေ ပေါင် ၅၀၀ ဗုံးတွေ အလုံး ၄၀ နီးပါး ကြဲချခဲ့တာကြောင့် လူနေအိမ်တွေ ပျက်စီးခဲ့တာရှိသလို အရပ်သားထိခိုက်သေဆုံးမှုတွေ ရှိတယ်လို့ ပေါက်တောဒေသခံ အမျိုးသမီးတဦးက ပြောပါတယ်။
နှစ်ရှည်ထောင်ဒဏ် ကျခံနေရတဲ့ နိုင်ငံရေးအကျဉ်းသား အမျိုးသမီးတဦး မန္တလေးတိုင်း၊ အိုးဘိုအကျဉ်းထောင်မှာ ပြီးခဲ့တဲ့ ရက်ပိုင်းက သေဆုံးသွားခဲ့ပါတယ်။ အကျဉ်းထောင်အတွင်း လုံလောက်တဲ့ ဆေးကုသခွင့်၊ ကျန်းမာရေးစောင့်ရှောက်ခွင့် မရတဲ့အတွက် သေဆုံးရတာလို့ နိုင်ငံရေးအကျဉ်းသားများကွန်ရက် (PPNM)က ပြောဆိုပါတယ်။
ဖိလစ်ပိုင်ဟာ နယ်မြေအငြင်းပွါးနေတဲ့ တောင်တရုတ်ပင်လယ်ပြင်ပေါ်က ဝေဟင်ထဲကို သောကြာနေ့က သူ့ရဲ့ လေယာဉ် ၃ စင်း တရားမဝင် စေလွှတ်ခဲ့ပြီး ၂ နိုင်ငံကြား ကာလတာရှည် နယ်မြေအငြင်းပွါး၊ တင်းမာနေတဲ့ အခြေနေကို ပိုဆိုးလာစေတယ်လို့ တရုတ်က စွပ်စွဲပါတယ်။
တာလီဘန်တွေ ထိန်းချုပ်ထားတဲ့ အာဖဂန်နစ်စတန်နိုင်ငံထဲက အုပ်ချုပ်သူကင်းမဲ့နေတဲ့ ဒေသတွေဟာ အစွန်းရောက်အဖွဲ့တွေလှုပ်ရှားဖို့ အခွင့်ရေးပေးသလို ဖြစ်နေတယ်လို့ အမေရိကန်နိုင်ငံခြားရေးဝန်ကြီး Marco Rubio ကပြောပါတယ်။ အကြမ်းဖက်တိုက်ခိုက်လာနိုင်ခြေ ရှိမရှိ CBS ရုပ်သံရဲ့မေးမြန်းခန်းမှာ သူက ပြောကြားခဲ့တာ ဖြစ်ပါတယ်။
ရှမ်းပြည်တောင်ပိုင်း ညောင်ရွှေမြို့နယ် အင်းလေးဒေသ ရေပူကျေးရွာအနီးက တိုက်ပွဲကြောင့် ဒေသခံတွေ နေရပ်စွန့်ခွာ တိမ်းရှောင်နေကြရပါတယ်။ စစ်ကောင်စီနဲ့ ပအိုဝ်းပြည်သူ့စစ်(PNO)ရဲ့ လက်နက်ကြီး ပစ်ခတ်မှုကြောင့် ကလေးငယ် ၂ ဦး အပါအဝင် ၈ ဦး သေဆုံးပြီး ၂၀ ထက်မနည်း ထိခိုက်ဒဏ်ရာ ရရှိခဲ့တယ်လို့ ဒေသခံတွေက ပြောပါတယ်။
အစ္စရေးနိုင်ငံ Tel Aviv မြို့ဆင်ခြေဖုံးဒေသမှာ ပေါက်ကွဲမှု ၃ ခု ဖြစ်ပွါးခဲ့တဲ့နောက် ဂျော်ဒန်မြစ် အနောက်ဘက်ကမ်းမှာ အကြမ်းဖက်တိုက်ဖျက်မှု စစ်ဆင်ရေးတိုးမြှင့်ဖို့ အစ္စရေးကာကွယ်ရေးဝန်ကြီး Katz က အမိန့်ပေးခဲ့ပါတယ်။ ကြာသပတေးညမှာ လူမပါတဲ့ ဘတ်စ်ကားပေါ် ပေါက်ကွဲမှုဖြစ်ပွါးခဲ့ပြီး ထိခိုက်ဒဏ်ရာရသူမရှိပါဘူး။
နှစ်ရှည်ထောင်ဒဏ်ကျခံနေရတဲ့ နိုင်ငံရေးအကျဉ်းသူတဦး မန္တလေးတိုင်း၊ အိုးဘိုအကျဉ်းထောင်မှာ ပြီးခဲ့တဲ့ ရက်ပိုင်းက သေဆုံးသွားခဲ့ပါတယ်။ အကျဉ်းထောင်အတွင်း လုံလောက်တဲ့ ဆေးကုသခွင့်၊ ကျန်းမာရေးစောင့်ရှောက်ခွင့် မရတဲ့အတွက် သေဆုံးရတာလို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် PPNM က ပြောပါတယ်။
Australia နိုင်ငံ အရှေ့တောင်ပိုင်း ရေပိုင်နက်လွန်မှာ တရုတ်ရေတပ်သင်္ဘောတွေ ကျည်အစစ်သုံး လေ့ကျင့်မှုတွေလုပ်နိုင်တယ်ဆိုတဲ့သတိပေးမှုကြောင့် လေကြောင်းလိုင်းတချို့ လမ်းကြောင်းပြောင်း ပျံသန်းခဲ့ကြပါတယ်။
“ဥရောပတိုက်နဲ့ အမေရိကန်ပြည်ထောင်စုကြား မဟာမိတ်အဖြစ်နဲ့ ဆက်ပြီး တည်ရှိနေမယ်ဆိုတာ ကတော့ ရှင်းပါတယ်။ ဒါပေမယ့် အဲဒီ မဟာမိတ်ပြုမှုရဲ့ အားကောင်းခြင်းမကောင်းခြင်းဟာ နှစ်နိုင်ငံ လူမှုအသိုင်းအဝန်းကို မှန်ကန်တဲ့လမ်းကြောင်းဆီ ဦးတည်ပေးမလားဆိုတဲ့အပေါ်မှာ မူတည်ပါလိမ့် မယ်။” (JD Vance - အမေရိကန် ဒုသမ္မတ)
မလေးရှားက အွန်လိုင်းငွေလိမ်ဂိုဏ်း (၁၇) ခုကို ဗုဒ္ဓဟူးနေ့ညက ရဲတပ်ဖွဲ့က ရှောင်တခင်ဝင်ရောက် ဖမ်းဆီးခဲ့တာမှာ မြန်မာနိုင်ငံသားသုံးယောက်အပါအဝင် နိုင်ငံခြားသား (၄၆) ယောက်ကို ဖမ်းဆီးခဲ့ ပါတယ်။
အမေရိကန်ပြည်တွင်းအခွန်ဦးစီးဌာန IRS က အစမ်းခန့်ဝန်ထမ်းအများစုဖြစ်တဲ့ ဝန်ထမ်း (၆,၀၀၀) ကျော်ကို စပြီး အလုပ်ဖြုတ်နေပါပြီ။ အမေရိကန်အခွန်ဆောင်ကာလ အလုပ်အရှုပ်ဆုံးအချိန်မှာပဲ IRS ဝန်ထမ်းစုစုပေါင်းရဲ့ ၆% နဲ့ညီမျှတဲ့ ဝန်ထမ်းတွေကို အလုပ်ဖြုတ်တော့မယ်ဆိုတာကို IRS အကြီးအကဲက ကြာသပတေးနေ့က အသိပေးခဲ့တာဖြစ်ပါတယ်။
ထိုင်းနိုင်ငံနဲ့နယ်စပ် မြန်မာဘက်က အွန်လိုင်းငွေလိမ်လုပ်ငန်းအဆောက်အဦးတွေမှာ ပိတ်မိနေတဲ့နိုင်ငံခြားသား သောင်းဂဏန်းလောက်ရှိနေသေးပြီး ကယ်တင်ပြန်ပို့နိုင်ဖို့ လနဲ့ချီကြာနိုင်တယ်လို့ ထိုင်း လူကုန်ကူးမှုတိုက်ဖျက်ရေးဌာန ဒါရိုက်တာ ရဲချုပ် ကိုကိုးကားပြီး ဗြိတိန်ထုတ် The Guardian သတင်းစာမှာ ဖော်ပြခဲ့ပါတယ်။
စက်သုံးဆီအခက်အခဲဖြစ်နေတဲ့ ရှမ်းပြည်နယ်အရှေ့ပိုင်းမြို့နယ်တွဗကို ရန်ကုန်သီလဝါဆိပ်ကမ်း စက်သုံးဆီ Terminal တွေကနေ ဖေဖော်ဝါရီ ၂၀ ကြာသပတေးနေ့က စတင်ပို့နေတယ်လို့ တာချီလိတ်လုပ်ငန်းရှင်တချို့က VOA ကိုပြောပါတယ်။ ငွေလိမ်ဂိုဏ်းတွေကိုနှိမ်နင်းဖို့ ထိုင်းဘက်ကအရောင်းရပ်လိုက်လို့ စက်သုံးဆီပြတ်နေရတာဖြစ်ပါတယ်။
ကချင်ပြည်နယ် ဗန်းမော်မြို့ အခြေစိုက် အမှတ် (၂၁) စစ်ဆင်ရေးကွပ်ကဲမှုဌာနချုပ်အတွက် လုံခြုံရေးအရ အရေးပါတဲ့တပ်ရင်း (၂၃၆) ကို KIA နဲ့ မဟာမိတ်တပ်တွေက မနေ့က သိမ်းယူလိုက်ပါတယ်။ ဒီတိုက်ပွဲအတွင်း စစ်တပ်အရာရှိတွေ အပါအဝင် စစ်သားတွေနဲ့လက်နက်အများအပြား သိမ်းမိတယ်ဆိုတာ KIA က အတည်မပြုသေးပါဘူး။
မြန်မာနယ်ခြား အွန်လိုင်းငွေကြေး လိမ်လည်တဲ့ လုပ်ငန်းတွေ နှိမ်နှင်းရေးအတွက် အင်တာနက် ပိတ်ပင် ဖြတ်တောက်တာတွေကို ဒီလကုန်မှာ နောက်ထပ် တိုးလုပ်ဖို့ ထိုင်း အာဏာပိုင်တွေ စဉ်းစားနေတဲ့အကြောင်း ဘန်ကောက်ပို့စ် သတင်းစာမှာ ရေးပါတယ်။
တရုတ်နိုင်ငံထုတ် လျှပ်စစ်ကားတွေအပေါ် သွင်းကုန်ခွန် တိုးမြှင့်တဲ့ကိစ္စ ဥရောပသမဂ္ဂ အီးယူနဲ့ ညှိနှိုင်း နိုင်ဖို့ အကောင်းဆုံး ကြိုးစားနေတဲ့အကြောင်း တရုတ် စီးပွားရေးနဲ့ ကူးသန်းသွားလာရေး ဝန်ကြီးဌာန ပြောခွင့်ရက ကြာသပတေးနေ့က ပြောပါတယ်။
ဝါရှင်တန်ဒီစီ မြို့ပြင်မှာ ၃ ရက်ကြာကျင်းပမယ့် ကွန်ဆာဗေးတစ် နိုင်ငံရေးလှုပ်ရှားမှု ညီလာခံ CPAC ကို ကြာသပတေးနေ့မှာ စတင်ခဲ့ပြီး အမေရိကန်သမ္မတ ဒေါ်နယ်ထရမ့်နဲ့အတူ အာဂျင်တီးနား၊ အီတလီနဲ့ စလိုဗက်ကီးယားက လက်ရှိခေါင်းဆောင်တွေ မိန့်ခွန်းပြောကြမှာ ဖြစ်ပါတယ်။
တရုတ်နိုင်ငံ ကူမင်းမြို့ ဆွေးနွေးပွဲမှာ ရလဒ်မထွက်ဘဲ အဆုံးသတ်ခဲ့ပြီး ရက်ပိုင်းအတွင်းမှာပဲ TNLA ထိန်းချုပ်ရာ နောင်ချိုမြို့ကို ဖေဖော်ဝါရီလ ၁၉ ရက်နေ့ ညပိုင်းက စစ်ကောင်စီက ဗုံးကြဲ တိုက်ခိုက်ခဲ့တာကြောင့် အရပ်သားတချို့ သေဆုံးပြီး ၄ ဦး ထိခိုက်ဒဏ်ရာရခဲ့ကြောင်း ဒေသခံတွေက ပြောပါတယ်။
နောက်ထပ်ကြည့်ရှုရန်
