စေတနာ့ဝန်ထမ်း အထူးကုဆရာဝန်ကြီးတွေ ဆရာဝန်တွေ သူနာပြုတွေ ဦးဆောင်တဲ့ အခမဲ့ COMMUNITY FEVER CLINIC ဆေးခန်းတွေရဲ့ စိန်ခေါ်မှုတွေကြုံနေရပြီး စေတနာ့ဝန်ထမ်း ဆေးပညာရှင် ဆရာဝန်တွေရဲ့ အကူအညီ အရေးပေါ် လိုအပ်လာနေပါတယ်။
COVID-19 ကပ်ရောဂါကာလ ကျင်းပမယ့် ရွေးကောက်ပွဲမှာ မဲလာပေးမယ့် ပြည်သူတွေ ဘေးကင်းလုံခြုံစွာ မဲပေးနိုင်ရေး ကျန်းမာရေးဝန်ကြီးဌာနဘက်က အထူးစီမံဆောင်ရွက်ထားသလို ပြည်သူတွေဘက်ကလည်း လိုက်နာရမယ့် ကျန်းမာရေးဆိုင်ရာ စည်းမျဉ်းစည်းကမ်းတွေကို သတိကြီးကြီးနဲ့ လိုက်နာကြဖို့ ဆေးပညာရှင်တွေနဲ့ ဆရာဝန်တွေက အကြံပေးပါတယ်။
၂၀၂၀ ရွေးကောက်ပွဲအတွက် ကြိုတင်မဲတွေ စပေးနေကြပေမဲ့ မဲဆန္ဒရှင်တွေအတွက် မဲပေးနည်းစနစ် ပညာပေးတာ အားနည်းခဲ့သလို ကြိုတင်မဲပေးတဲ့ချိန်မှာလည်း လျှို့ဝှက်နည်းစနစ်နဲ့ မဲမပေးနိုင်ခဲ့ဘူးလို့ စောင့်ကြည့်လေ့လာခဲ့သူတွေက ပြောပါတယ်။
၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်အရွေးခံကြမယ့် လွှတ်တော်ကိုယ်စားလှယ်လောင်းတွေနဲ့ နိုင်ငံရေးပါတီတွေအနေနဲ့ "လူ့အခွင့်အရေး ကာကွယ်စောင့်ရှောက်သူတွေကို လုံခြုံမှုပေးမယ်။"ဆိုတဲ့ ရွေးကောက်ပွဲဂတိကဝတ်ပေးဖို့ AI နိုင်ငံတကာလွတ်ငြိမ်းချမ်းသာခွင့်အဖွဲ့ကြီးနဲ့ မြန်မာလူ့အခွင့်အရေးအဖွဲ့တွေက တောင်းဆိုလိုက်ပါတယ်။
ဒီမိုကရေစီဖော်ဆောင်မယ် ဆိုတဲ့ NLD အစိုးရလက်ထက် ရခိုင်ပြည်နယ်တွင်းက သိန်းချီတဲ့ ရခိုင်ပြည်သူတွေ နိုင်ငံသားအခွင့်အရေးဆုံးရှုံးပြီး မဲပေးခွင့်မရတော့မယ့် အခြေအနေဟာ ပြည်သူတွေအတွက် ကိုယ်စားပြုမှု ဆုံးရှုံးရတော့မယ့် အနေအထားဖြစ်နေတယ်လို့ ဒေသတွင်း အင်အားကြီးတိုင်းရင်းသားပါတီတခုဖြစ်တဲ့ ANP က ပြောဆိုလိုက်ပါတယ်။
အောက်တိုဘာ ၂၅၊ ၂၀၂၀ - မြန်မာနိုင်ငံရွေးကောက်ပွဲ အထူးလေ့လာစောင့်ကြည့်ရေးအဖွဲ့ New Myanmar Foundation (NMF) ရဲ့ အမှုဆောင်ဒါရိုက်တာ မမြနန္ဒာသင်း ကို မစုမွန်က ဆက်သွယ်မေးမြန်းတင်ပြထားပါတယ်။
ဒေသတွင်းနယ်မြေလုံခြုံရေးနဲ့ အများပြည်သူ လူထု အသက်အန္တရာယ်ရှိလာနေတဲ့ အနေအထားမို့ အာဏာရပါတီ NLD အပါအဝင် သက်ဆိုင်ရာနိုင်ငံရေးပါတီတွေဘက်က ထိန်းထိန်းသိမ်းသိမ်း ထိထိရောက်ရောက် ကြပ်မတ်ကြဖို့ ရွေးကောက်ပွဲစောင့်ကြည့်သူတွေက စိုးရိမ်တကြီး အကြံပေး လိုက်ကြပါတယ်။
တပ်မတော်ကာကွယ်ရေးဦးစီးချုပ်ရဲ့ လမ်းညွှန်ချက်နဲ့အညီ မြန်မာတနိုင်ငံလုံး အတိုင်းအတာနဲ့ နယ်မြေဒေသအလိုက် ရွေးကောက်ပွဲကျင်းပနိုင်ရေး လုံခြုံရေးအမြင် ၃ ဆင့်နဲ့ ခွဲခြားသုံးသပ်ပြီး နယ်မြေလုံခြုံရေးနဲ့ ကာကွယ်ရေးအတွက် တပ်မတော်ဘက်က ဆုံးဖြတ်အကြံပေးခဲ့တာလို့ တပ်မတော် သတင်းစာရှင်းလင်းပွဲမှာ ပြောဆိုလိုက်ပါတယ်။
ကူးစက်မြန်ကပ်ရောဂါ ကိုဗစ်ရောဂါပိုး စတွေ့ခဲ့တဲ့ ရခိုင်ပြည်နယ် ကျောက်တော်မြို့က စစ်ရှောင်စခန်းတခုမှာ အသွားအလာတွေ ကန့်သတ်ထားပြီး ပိုးတွေ့လူနာနဲ့ ဆက်စပ်ထိတွေ့သူတွေမှာ ရောဂါပိုးရှိ-မရှိ စတင်စစ်ဆေးနေပါတယ်။
ကူးစက်မြန်ကပ်ရောဂါ စိုးရိမ်ရတဲ့ အရေးပေါ်လူနာတွေ ရာနဲ့ချီ များလာတဲ့အတွက် လူထုအခြေပြု အခမဲ့ဆေးခန်းတွေမှာ စေတနာ့ဝန်ထမ်း ဆေးပညာရှင်တွေ နဲ့ ဆရာဝန်သူနာပြုတွေ အရေးတကြီးလိုအပ်နေပါတယ်။
မကြာခင် ကျင်းပမယ့် ၂၀၂၀ ရွေးကောက်ပွဲမှာ မဲပေးမယ့်ပြည်သူတွေနဲ့ မဲရုံဝန်ထမ်းတွေ ကပ်ရောဂါကူးစက်မှု ကာကွယ်ရေးအတွက် ရွေးကောက်ပွဲကော်မရှင်နဲ့ ကျန်းမာရေးဌာနတွေ ဘာတွေကြိုတင်စီမံထားသလဲ ဆိုတာကို ပြောပြပေးပါမယ်။
တိုင်းရင်းသားဒေသ တချို့မှာ ရွေးကောက်ပွဲ ပယ်ဖျက်တာနဲ့ ပတ်သက်လို့ တိတိကျကျရှင်းလင်းပေးဖို့နဲ့၊ ဒီမိုကရေစီစံနှုန်းနဲ့ ညီပြီး တရားမျှတတဲ့ ရွေးကောက်ပွဲဖြစ်လာရေး အချိန်မီအကောင်အထည်ဖော်ပါလို့ မြန်မာအရပ်ဘက် အဖွဲ့အစည်း ၂၀၀ ကျော်က ပြည်ထောင်စုရွေးကောက်ပွဲကော်မရှင်ကို တိုက်တွန်းလိုက်ပါတယ်။
ကချင်ပြည်နယ်တွင်းက ကျေးရွာအုပ်စု တော်တော်များများမှာ ရွေးကောက်ပွဲ မကျင်းပတော့ဘူးဆိုတဲ့ ရွေးကောက်ပွဲကော်မရှင်ရဲ့ ဆုံးဖြတ်ချက်ဟာ နိုင်ငံသားတွေရဲ့ အခြေခံရပိုင်ခွင့် မဲပေးပိုင်ခွင့်ဆိုတဲ့ နိုင်ငံသား အခွင့်အရေးတရပ်ကို ချိုးဖောက်တာသက်သက် ဖြစ်တယ်လို့ ကချင်အရေး လှုပ်ရှားသူတွေက ဝေဖန်ပြောဆိုလိုက်ပါတယ်။
ရခိုင်ပြည်နယ်တွင်း ၉ မြို့နယ်နဲ့ အခြားမြို့နယ်က ကျေးရွာအုပ်စု အတော်များများမှာ ရွေးကောက်ပွဲ မကျင်းပတော့ဘူးဆိုတဲ့ ဆုံးဖြတ်ချက်ဟာ တရားမျှတမှု မရှိသလို မဲပေးပိုင်ခွင့်ရှိတဲ့ ပြည်သူတွေရဲ့ မျှော်လင့်ချက်ကို ရိုက်ချိုးလိုက်သလို ဖြစ်သွားတယ်ဆိုတဲ့ လွှတ်တော်ကိုယ်စားလှယ်တွေရဲ့ သဘောထားတွေကို စုစည်းတင်ပြထားပါတယ်။
ရခိုင်ပြည်နယ် ကျောက်တော်မြို့ စစ်ရှောင်စခန်းတွေထဲက ဒုက္ခသည်တချို့မှာ ကိုဗစ် ၁၉ ရောဂါပိုး ကူးစက်သူတွေ စပြီးတွေ့လာတဲ့အတွက် သိန်းချီတဲ့ ဒုက္ခသည်တွေကြား ကိုဗစ်ရောဂါ ပျံ့နှံ့ကူးစက်လာမယ့်အရေး ပိုပြီး စိုးရိမ်လာနေတဲ့အကြောင်း ပြောပြပေးချင်ပါတယ်။
ကပ်ရောဂါကိုဗစ်ကူးစက်မှုတွေ ထောင်ချီထပ်တိုးလာနေချိန်မှာပဲ အကန့်အသတ်တွေနဲ့ ယာယီပိတ်ထားတဲ့စက်ရုံတွေ ပြန်လည် လုပ်ကိုင်ခွင့်ပြုချိန် လုပ်ငန်းခွင်ပြန်ဝင်မယ့် စက်ရုံလုပ်သားတွေကိုကုမ္ပဏီတွေရဲ့ကျခံမှုနဲ့COVID စစ်ပေးဖို့ အစိုးရကို စီးပွားရေးလုပ်ငန်းရှင်တွေ တောင်းဆိုလိုက်ပါတယ်။
ရှမ်းပြည်နယ်တွင်း တိုက်ပွဲတွေ ပြင်းထန်ပြီး ဒေသခံပြည်သူတွေ ဘေးလွတ်ရာကို တိမ်းရှောင်ထွက်ပြေးနေကြရတဲ့ အခြေအနေပေါ်ပြည်သူတွေ ဘေးကင်းလုံခြုံရေးတိုက်ပွဲတွေအမြန်ဆုံးရပ်ပေးဖို့ တောင်းဆိုတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ဒုတိယဥက္ကဋ္ဌ ဦးစိုင်းညွန့်လွင်က ဗွီအိုအေမြန်မာပိုင်းကိုပြောပါတယ်။
ဒုက္ခသည်စခန်းတွေထဲ ဗလီဝတ်ပြုဆုတောင်းမှု လူဦးရေကန့်သတ်တာ အပါအဝင် လူစုလူဝေးလုပ်တာတွေကို တင်းတင်းကြပ်ကြပ် တားမြစ်ထားသလို ဘာသာရေးစာသင်ကျောင်းတွေနဲ့ သင်ကြားရေးစင်တာတွေကိုလည်း ခေတ္တပိတ်ထားပြီး ဒုက္ခသည်တွေအားလုံး နေအိမ်တွေထဲမှာပဲ နေကြဖို့ အမိန့်ထုတ်ပြန်ထားတာ လနဲ့ချီ -လာပြီဖြစ်ပါတယ်။
COVID-19 ကပ်ရောဂါ ကူးစက်မှုအန္တရာယ်သာမက စစ်ဘေးအန္တရာယ်ကိုပါ ရင်ဆိုင်နေရတဲ့ ရခိုင်ပြည်သူတွေအနေနဲ့ သွားလာရေး၊ ကျန်းမာရေးနဲ့ နေ့စဉ်လူမှုဘဝ အခက်ကြုံနေရတာတွေကို စုစည်းတင်ပြထားပါတယ်။
မြန်မာနိုင်ငံမှာ တနေ့ကို သံသယရှိသူ လူတသောင်းခွဲဝန်းကျင်အထိ ဓာတ်ခွဲနမူနာယူ စမ်းသပ်နေပြီး COVID-19 ရောဂါပိုး ဓာတ်ခွဲတွေ့ရှိသူက တနေ့ကို တထောင်ကျော်အထိ တိုးလာနေပါတယ်။ ဒီအတွက်လည်း ရန်ကုန်မြို့က ဆေးရုံတချို့ကို ကိုဗစ်ကုသရေးဌာနတွေအဖြစ် ပြောင်းလဲ ဖွင့်လှစ်နေပါတယ်။
နောက်ထပ်ကြည့်ရှုရန်
