စစ်တပ်တွင်း လိင်ပြောင်းသူတွေ ခန့်ထားခွင့်မရှိဖို့ တားမြစ်ချက်ကိုလည်း သမ္မတက ပြောသွားတာပါ။
အမေရိကန်လုပ် ဒုံးခွင်းဒုံးစနစ်အကြောင်းလည်း ဂုဏ်ယူပြောကြားသွားတာပါ။ အန္တရာယ်ကြီးတဲ့ ကမ္ဘာကြီးမှာ အမေရိကန်နိုင်ငံသားတွေကို အကာအကွယ်ပြုဖို့ ဒီလို နည်းပညာမြင့် ကိရယာတွေ လိုအပ်ပါတယ်။
ပြည်တွင်းလုံခြုံရေးကို တိုးမြှင့်လုပ်ဆောင်ဖို့ ပနားမားတူးမြောင်းကို အမေရိကန်က ပြန်ယူပါမယ်၊ အမေရိကန်က တည်ဆောက်ခဲ့တာပါ။ အမေရိကန်လုပ်သားတွေ ဒီတူးမြောင်းတည်ဆောက်ရင်း အများအပြားသေဆုံးခဲ့ရပါတယ်။ အခု ပြန်ယူပါမယ်။ သူများတွေကိုလည်း ပေးသုံးမှာပါ။ ဒီကိစ္စကို နိုင်ငံခြားရေးဝန်ကြီး မာကို ဦးဆောင်လုပ်နေပါတယ်။ ကျေးဇူးပါ မာကိုရေ။
ဂရင်းလန်းကျွန်းနဲ့ပတ်သတ်ပြီး ပြောကြားရာမှာ နိုင်ငံတကာလုံခြုံရေးအတွက် အမေရိကန်က ဂရင်းလန်းကို လိုချင်ပါတယ်။ ဂရင်းလန်းပြည်သူတွေကို အမေရိကန်က အကာအကွယ်ပေးမှာပါ။ အကြမ်းဖက်သမားတွေရဲ့ ရန်က ကြောက်ဖို့ကောင်းပါတယ်။