လူတွေ လေ့ကျင့်ခန်းလုပ်ဖို့ အခွင့်အရေးတွေ ဆုံးရှုံးလာချိန်မှာ စက်ရုပ်တွေကတော့ လေ့ကျင့်ခန်းစလုပ်နေပါပြီ။ တိုကျိုတက္ကသိုလ် JSK နည်းပညာဌာနက တီထွင်လိုက်တဲ့ Kengoro စက်ရုပ်ဖြစ်ပါတယ်။ သူ့ရဲ့ အဆစ်နေရာတွေမှာ အာရုံခံကိရိယာ(sensor) တွေ ပါရှိပြီးတော့ မော်တာအလုံး ၁၀၀ကျော် တပ်ဆင်ထားတာပါ။ သူ့ကိုတီထွင်သူတွေကတော့ Kengoro ဟာ လူသားတွေရဲ့ လှုပ်ရှားမှုတွေကို ပိုမိုနားလည်စေမှာဖြစ်ပြီး လေ့ကျင့်ခန်းလုပ်တဲ့အခါ ကိုယ်ခန္ဓာအစိတ်အပိုင်းတွေအပေါ် ထိန်းချုပ်တဲ့ အာရုံကြောအဖွဲ့အစည်းတွေကို ပိုသိရှိလာနိုင်ဖို့လည်း ရည်ရွယ်တာဖြစ်ပါတယ်။