TV Schedule

ဗွီအိုအေ မြန်မာနံနက်ခင်း (မတ်လ ၂ ရက် ၂၀၂၄) ယူကရိန်းကို နယ်သာလန် စစ်ရေးအကူဒေါ်လာ (၂) ဘီလီယံကျော် ပေးမည်။ ဂျပန်နဲ့ ဆက်ဆံရေးကြောင့် မြောက်ကိုရီးယားကို ရင်ဆိုင်နိုင်ဖို့ တောင်ကိုရီးယားယုံကြည်။ နိုင်ငံတကာအမျိုးသမီးသတ္တိရှင်ဆု မြန်မာရရှိ။ ဒီလိုနောက်ဆုံးရသတင်းတွေနဲ့အတူ အမျိုးသမီးကဏ္ဍ၊ သုတစုံလင် အမေရိကန်တခွင်၊ သိပ္ပံနဲ့နည်းပညာ အစီအစဉ်တွေကို တင်ဆက်ထားပါတယ်။

မြန်မာ့အရေး စင်္ကာပူ၊ ထိုင်းနဲ့ ဩစတြေးလျတို့မှာ ဆွေးနွေး၊ ရခိုင် စစ်တွေမြို့ ဈေးထဲ လက်နက်ကြီးပစ်ခတ်မှု စစ်ကောင်စီငြင်းဆို၊ ဒီလို တပတ်အတွင်း ထိပ်တန်းရောက် သတင်းများ၊ စိန်တလုံးသရက်သီး ပြည်ပကို တွင်တွင်ကျယ်ကျယ်တင်ပို့ရေးစီစဉ် လယ်ယာစီးပွားသတင်းတွေ၊ နောက် စစ်မှုထမ်းဥပဒေနောက်ဆက်တွဲ မြန်မာတွေ အဝင်များတဲ့ ထိုင်းလူဝင်မှုကြီးကြပ်ရေး ပိုကြပ် သတင်းထောက်မှတ်စုတို့ကို ၂၀၂၄ မတ်လ ၂ ဗွီအိုအေ တပတ်အတွင်းသတင်းမှာ ကြည့်ရှုနိုင်ပါတယ်။

ထိုင်းလွှတ်တော်မှာ မြန်မာ့အရေးဆွေးနွေး၊ အွန်လိုင်းဒုစရိုက်မှုတွေ ပူးပေါင်းနှိမ်နှင်းဖို့လိုကြောင်း ထိုင်းနိုင်ငံခြားရေးဝန်ကြီးပြော၊ မြန်မာ အိန္ဒိယ နယ်စပ်ခြံစည်းရိုး ကာမဲ့ကိစ္စ နာဂလန်းပြည်နယ်လွှတ်တော် ကန့်ကွက် စတဲ့သတင်းတွေနဲ့ အပတ်စဉ်ကဏ္ဍတွေ တင်ဆက်ထားပါတယ်။