ထိုင်းနိုင်ငံ၊ ကန်ချနဘူရီနဲ့ ချင်းရိုင်ပြည်နယ် ၂ ခုအတွင်းမှာ ၂ ရက်အတွင်း တရားမဝင်မြန်မာ အယောက် ၁၃၀လောက်ကို လူကုန်ကူးသူတွေနဲ့အတူ နယ်မြေခံ စစ်တွေနဲ့ လုံခြုံရေးတပ်ဖွဲ့တွေက အစုလိုက် အပြုံလိုက် ဖမ်ဆီးမိလိုက်တယ်လို့ အလုပ်သမားရေးလှုပ်ရှား သူဦးမိုးကြိုးက ပြောပါတယ်။
ကရင်အမျိုးသားအစည်းအရုံး KNU (၁၇) ကြိမ်မြောက် ကွန်ဂရက်ကို ဧပြီလ ၂၄ ရက်နေ့ကစပြီး KNU ထိမ်းချုပ်ရာနယ်မြေမှာ ကျင်းပခဲ့ပြီး မေလ ၂ရက်နေ့မှာတော့ KNU ဥက္ကဌအဟောင်းက အနားယူပြီး ဒု-ဥက္ကဌဖြစ်တဲ့ ဖဒိုကွယ်ထူးဝင်းက ဥက္ကဌ ဖြစ်လာခဲ့ပါတယ်။
ထိုင်းနိုင်ငံ၊ မဲဆောက်မြို့အနီး မောင်းပြန်ရိုင်ဖယ်လက်နက် ၂လက်ကို ဓါတ်မြေသြဇာအိပ်ထဲ ဖွက်ယူလာတဲ့ မြန်မာ လူငယ်နှစ်ဦးကို ထိုင်းရဲတပ်ဖွဲ့က ဖမ်းမိခဲ့ပါတယ်။
“ထိုင်းနိုင်ငံမှာတော့ အလုပ်သမားတွေက သူတို့ရဲ့ အခြေခံလုပ်အားခကို အမြဲတောင်းဆိုတာရှိတယ်။ ဒီနေ့ မေဒေးနေ့မှာတော့ တနေ့ အနှိမ့်ဆုံးလုပ်အားခကို ၇၁၅ ဘတ်ထိ တောင်းဆိုတာရှိပါတယ်၊၊”
ထိုင်းနိုင်ငံ စမုတ်ပရာကန်ပြည်နယ်၊ ကမ်ချနဘူရီပြည်နယ်နဲ့ ဖာတလုံပြည်နယ်တွေမှာ ၃ ရက် အတွင်း အထောက်အထားမဲ့ မြန်မာ ၁၅၀ နီးပါး ဖမ်းဆီးခံခဲ့ရပါတယ်။
ထိုင်းနိုင်ငံ မြောက်ပိုင်း ချင်းမိုင်မြို့က နာမည်ကြီး လိင်ဖျော်ဖြေရေး နိုက်ကလပ် TICAC ကို ထိုင်းအာဏာပိုင်တွေ ဝင်ရောက်စစ်ဆေးပြီး ဖမ်းဆီးခဲ့ရာမှာ မြန်မာနိုင်ငံသား တချို့လည်း ပါဝင်ခဲ့ပါတယ်။
အမျိုးသမီးနဲ့ ကလေးတွေ အပါအဝင် အထောက်အထားမဲ့ ရိုဟင်ဂျာ ၂၅ ယောက်ကို ထိုင်းနိုင်ငံတောင်ပိုင်းမှာ အာဏာပိုင်တွေက ဖမ်းဆီးခဲ့တယ်လို့ အလုပ်သမားရေး လှုပ်ရှားသူတွေက ပြောပါတယ်။ လူမှောင်ခိုတွေက မလေးရှားကိုပို့ဖို့ ကားထဲမှာ ဝှက်ပြီးခေါ်လာတာလို့လည်းဆိုပါတယ်။
ထိုင်းနိုင်ငံအတွင်းမှာ အကြောင်းအမျိုးမျိုးနဲ့ ပြစ်ဒဏ်ကျခံပြီးတဲ့ မြန်မာနိုင်ငံသား ၁၇၀ကျော်ကို ထိုင်းအာဏာပိုင်တွေက မနေ့က ရနောင်းကနေ ကော့သောင်းဘက်ကို ပြန်ပို့ခဲ့ပါတယ်။ ပြန်ပို့ခံရသူတွေထဲမှာ ကိုဗစ်ကပ်ရောဂါပိုးရှိသူ တဒါဇင်လောက်ရှိတယ်လို့ဆိုပါတယ်။
တနင်္သာရီတိုင်း ထားဝယ်ခရိုင်သရက်ချောင်းမြို့နယ်ထဲမှာ စစ်ကောင်စီတပ်တွေက မနေ့ကနဲ့ ဒီကနေ့ တနင်္လာနေ့မှာ ရငဲရွာနဲ့ဝဲရစ်ရွာထဲကိုဝင်ရောက်ပြီး ဒေသခံ ၁၀၀ လောက်ကိုဖမ်းဆီးပြီး ပြည်သူကာကွယ်ရေးတပ်ဖွဲ့တွေနဲ့အဆက်သွယ်ရှိလား ဆိုပြီး ရိုက်နှက်စစ်ဆေးခဲ့ကြောင်းဒေသခံတဦးကပြောပါတယ်။
ထိုင်းနိုင်ငံ၊ တာ့ခ်ပြည်နယ် မဲဆောက်မြို့အထွက် ဟွေ့ဟင်ဖွန်စစ်ရေးဂိတ်မှာ ဘန်ကောက်ဘက်ကိုသွားဖို့ သခွါးသီးတွေတင်လာတဲ့ကားရဲ့အံဝှက်ထဲမှာ ခိုးပြီးလိုက်ပါလာတဲ့ မြန်မာနိုင်ငံသား ၁၃ ဦးကို ဧပြီလ ၂၃ ရက်နေ့မနက် (၁) နာရီကျော်မှာ လုံခြုံရေးတပ်ဖွဲ့တွေက ဖမ်းဆီးခဲ့ပါတယ်။
ထိုင်းနိုင်ငံအယုဒ္ဓယပြည်နယ် ဘန်ပအင်မြို့နယ် ချင်ရာ့နွဲ့ကျေးရွာနားက ဘန်ကောက်မြို့အဝင် လမ်းမကြီးမှာ တရားမဝင်မြန်မာ၂၀ ကျော်ကိုသယ်လာတဲ့ကား၂ စီးကို လုံခြုံရေးတပ်ဖွဲ့တွေက ဧပြီလ ၁၉ ရက်နေ့က ဖမ်းဆီးခဲ့ပါတယ်။
ကရင်ပြည်နယ် မြဝတီခရိုင်ထဲမှာ စစ်ကောင်စီတပ်တွေနဲ့ ကရင်အမျိုးသားလွတ်မြောက်ရေးတပ် KNLA ၊ PDF စတဲ့ ပူးပေါင်းတပ်ဖွဲ့တွေကြား တိုက်ပွဲတွေ ရက်ဆက်ဖြစ်နေပြီး ဧပြီလ ၁၉ ရက်နေ့ မှာ မနက် ၅ နာရီလောက်ကနေ နေ့လယ်အထိ တိုက်ပွဲတွေပြင်းထန်ခဲ့ပေမဲ့ နှစ်ဘက်လုံးက ထိခိုက်သေဆုံးစာရင်း ထုတ်ပြန်တာ မရှိသေးပါဘူး/
“ပြည်သူ့စစ် ၂ယောက် အသတ်ခံရပြီးနောက်ပိုင်း ညနေဘက်မှာ ရွာသား ၃၀၀လောက်က ကြောက်လန့်ပြီး ထွက်ပြေးတာပေါ့။ ဆိုလိုတာက စစ်ကောင်စီက အကြမ်းဖက်လာဖက်မှာစိုးလို့ ထွက်ပြေးသွားတာပါ။ ရွာသားတွေ ထွက်ပြေးတော့ ထိုင်းဘက်ကလည်း အကူညီပေးတာ ရှိပါတယ်။”
“ဧပြီလ ၁၃ ရက်က ရန်သူရဲ့ကျောက်မိုင်းကုန်းကိုချောင်းပစ်တာ၊ စနိုက်ပါနဲ့ပစ်တာတော့ ၃ ယောက်လောက်သေတယ်။.... ဧပြီ ၁၂ နဲ့ ၁၃ က တိုက်ပွဲပြင်းထန်တော့ ကျနော်တို့ဘက်ကလည်း ၄ ယောက်လောက် ကျဆုံးတယ်။ စခန်းကုန်းကတော့ တက်သိမ်းပြီး ဖျက်ဆီးပြီး ပြန်ဆုတ်ခွါခဲ့တယ်။" (PDF တပ်ဖွဲ့ခေါင်းဆောင်တဦး)
ထိုင်း−မြန်မာနယ်စပ် ချင်းရိုင်ပြည်နယ်၊ မယ့်ဖာလွမ်ဒေသမှာ မူယစ်ဆေးဝါး သယ်ဆောင်လာသူတွေနဲ့ ထိုင်းနယ်ခြားစောင့်တပ်တို့ ဧပြီလ ၁၂ ရက်နေ့က တိုက်ပွဲဖြစ်ပြီး မူးယစ်မှောင်ခိုသမား ၃ ဦး သေဆုံးသွားခဲ့ပါတယ်။ ဒီအကြောင်း ဗွီအိုအေသတင်းထောက် မအေးအေးမာက သတင်းပေးပို့ ထားပါတယ်။
ထိုင်း-မြန်မာနယ်စပ်အနီး မြဝတီခရိုင်အတွင်းမှာ စစ်ကောင်စီတပ်တွေနဲ့ ကရင်အမျိုးသားလွတ်မြောက်ရေးတပ် KNLA, PDF စတဲ့ ပူးပေါင်းတပ်ဖွဲတွေကြား တိုက်ပွဲတွေ ရက်ဆက် ဖြစ်ပေါ်နေတာကြောင့် ထိုင်း−မြန်မာနယ်စပ်တလျှောက် တာခ့်ပြည်နယ်အတွင်း နယ်စပ်လုံခြုံရေးကို ထိုင်းအာဏာပိုင်တွေက တင်းကျပ် ချထားပါတယ်။
ဒီတိုက်ပွဲမှာ စစ်ကောင်စီဘက်က လေကြောင်းက တိုက်ခိုက်ခဲ့ပြီး ပူးပေါင်းတပ်ဖွဲ့တွေ ဘက်ကလည်း စစ်ကောင်စီနဲ့ နယ်ခြားစောင့်စခန်းတွေကို လိုက်လံ တိုက်ခိုက်တာ၊ ဒရုန်းတွေနဲ့ တိုက်ခိုက်တာတွေ လုပ်နေပါတယ်။ ဒီအတွက် နှစ်ဖက် ထိခိုက်ကျဆုံးမူတွေလည်း ရှိနေပါတယ်။
ထိုင်းနိုင်ငံ၊ မဲဆောက်မြို့ကို ဆေးကုသဖို့လာတဲ့ ကော့ကရိတ်ဘက်က ပြည်သူ့ကာကွယ်ရေးတပ်ဖွဲ့ဝင် ၃ ဦးကို ထိုင်းအာဏာပိုင်းတွေက ဖမ်းဆီးပြီး စစ်ကောင်စီထံကို လွှဲပြောင်းအပ်နှံတဲ့အတွက် ထိုင်းနိုင်ငံရေးပါတီတခုဖြစ်တဲ့ Commoners' Party က ဧပြီလ ၈ ရက်နေ့မှာ စာထုတ်ပြီး ကန့်ကွက်ခဲ့ပါတယ်။
စစ်ကောင်စီတပ်ဖွဲ့တွေနဲ့ ကရင်အမျိုးသားလွတ်မြောက်ရေးတပ် (KNLA) ပူးပေါင်းစစ်ကြောင်းတွေအကြား ပြီးခဲ့တဲ့ ရက်ပိုင်းတွေအတွင်း တိုက်ပွဲတွေ ပြင်းထန်ခဲ့တဲ့ ထိုင်း−မြန်မာနယ်စပ်၊ မြဝတီမြို့နယ်၊ ရွှေကုက္ကိုလ် ဒေသကကျေးရွာတွေက ထွက်ပြေးလာသူတွေကို ထိုင်းအာဏာပိုင်တွေက မြန်မာနိုင်ငံဘက်ကို ပြန်ပို့နေတာပါ။
ထိုင်းနိုင်ငံ ချွန်ဘူရီခရိုင်ထဲက ဖတ်ထရာအဝင်အဝေးပြေးလမ်းမပေါ်မှာ အလုပ်သမားလက်မှတ်သက်တမ်းတိုးဖို့ ခရီးသွားနေတဲ့ မြန်မာနဲ့ကမ္ဘောဒီးယားအလုပ်သမားတွေ လိုက်ပါလာတဲ့ကားက တခြားကားတစီးကိုတိုက်မိတဲ့အတွက် သေဆုံးသူ ၈ ဦးထက်မနည်းရှိသွားပြီလို့ ကယ်ဆယ်ရေးအဖွဲ့က ပြောပါတယ်။
နောက်ထပ်ကြည့်ရှုရန်
