ဒီထဲမှာ လာမယ့် စက်တင်ဘာလ ၃၀ ရက်နေ့အထိ အစိုးရ ဘတ်ဂျက် အသုံးစရိတ်တွေ ပါဝင်ပါတယ်။ အဲဒီမှာ ကာကွယ်ရေးအသုံးစရိတ် အနည်းငယ် မြှင့်တင်ထားပြီး ကာကွယ်ရေးနဲ့ မသက်ဆိုင်တဲ့ အစီအစဉ်တွေကိုတော့ ၂၀၂၄ ခုနှစ် ဘတ်ဂျက်နှစ်ထက် လျှော့ချထားပါတယ်။
သမ္မတဒေါ်နယ်ထရမ့်က အခု တင်သွင်းထားတဲ့ ဥပဒေကြမ်းကို လူမှုကွန်ရက် X မှာ ချီးကျူးခဲ့ပြီး ရီပတ်ဘလစ်ကန်တွေဟာ "စည်းလုံးညီညွတ်နေဆဲ ဖြစ်ပြီး သဘောထားကွဲလွဲတာမရှိဘူး” လို့ ဆိုကာ “အချိန်အခါကောင်း ဖြစ်လို့ နောက်ထပ် တရက် တိုက်ပွဲ ဆင်နွှဲကြဖို့” နှိုးဆော်ပါတယ်။
"အမေရိကအတွက် ကောင်းမွန်တဲ့အရာတွေ ရောက်လာတော့မှာ ဖြစ်တဲ့အတွက်ကြောင့် တိုင်းပြည်ရဲ့ 'ဘဏ္ဍာရေးအိမ်' ကို တည်ငြိမ်အောင်လုပ်ဖို့ ကျနော်တို့ကို စက်တင်ဘာလအထိ လအနည်းငယ်လောက် အချိန်ပေးဖို့ တောင်းဆိုပါတယ်" လို့ သမ္မတ ထရမ့်က ပြောပါတယ်။
SEE ALSO: အမေရိကန် အစိုးရအသုံးစရိတ် ဥပဒေမူကြမ်း အောက်လွှတ်တော်မှာ ထောက်ခံမှုရရှိလာမယ့် အင်္ဂါနေ့မှာ အောက်လွှတ်တော်မှာ မဲခွဲ ဆုံးဖြတ်ကြမှာ ဖြစ်ပြီး တစိတ်တပိုင်း အစိုးရ ယန္တရား ရပ်တန့်တာကို ရှောင်လွှဲနိုင်ဖို့ အတွက် မတ်လ ၁၄ ရက် (သောကြာနေ့) သန်းခေါင်ယံမတိုင်မီ ဒီအသုံးစရိတ်ကို အတည်ပြုပေးရမှာ ဖြစ်ပါတယ်။
ထိပ်တန်း ဒီမိုကရက်အမတ်တွေ ဖြစ်တဲ့ ကွန်နက်တီကတ် ကွန်ဂရက် လွှတ်တော် အမတ် Rosa DeLauro နဲ့ ဝါရှင်တန်က အထက်လွှတ်တော် အမတ် . Patty Murray တို့ နှစ်ဦးစလုံးကတော့ အခုဥပဒေကြမ်းကို ဆန့်ကျင်တဲ့ ကြေညာချက်တွေ ထုတ်ပြန်ထားပါတယ်။
Your browser doesn’t support HTML5
ကန်အစိုးရအသုံးစရိတ် ဥပဒေကြမ်း ရီပတ်ဘလစ်ကင် တင်သွင်း