ဝါရှင်တန်မှာတွေ့ဆုံဖို့ အမေရိကန်သမ္မတ Donald Trump ရဲ့ ဖိတ်ကြားချက်ကို ရုရှားသမ္မတ Vladimir Putin အနေနဲ့ လက်ခံဖို့ ဆန္ဒရှိကြောင်း ရုရှားနိုင်ငံခြားရေးဝန်ကြီး Sergei Lavrov က ပြောကြားလိုက်ပါတယ်။ နိုင်ငံပိုင်သတင်းဌာန RIA Novosti နဲ့ တွေ့ဆုံမေးမြန်းခန်းအတွင်း ပူတင်ဟာ တွေ့ဆုံဆွေးနွေးပွဲအတွက် အဆင်သင့်ဖြစ်နေပြီလို့ ပြောပါတယ်။ အားလုံးသိထားတဲ့အတိုင်း အမေရိကန်သမ္မတနဲ့ တယ်လီဖုန်းဆက်သွယ် ပြောကြားခဲ့တဲ့အတိုင်းပဲ ဘာမှ လျှို့ဝှက်ထားစရာမရှိပါဘူး။
တွေ့ဆုံဖို့ ဖိတ်ကြားခဲ့သလို ပူတင်ကို အိမ်ဖြူတော်မှာ တွေ့ဆုံချင်ကြောင်း ထရမ့်က ပြောကြားခဲ့တယ်လို့လည်း ဆိုပါတယ်။ ဖုန်းနဲ့ ပြောကြားချိန်အတွင်း ပူတင်အနေနဲ့ ဝါရှင်တန်ကို လာလည်ဖို့ ၂ ကြိမ်လောက် ဖိတ်ကြားခဲ့ကြောင်းနဲ့ သူလည်းပဲ ရုရှားကို လာလည်ဖို့ ဆန္ဒရှိကြောင်း ပြောကြားခဲ့တယ်လို့ Lavrov က ပြောပါတယ်။
အရင်တုန်းကလည်း ထရမ့်နဲ့ ပူတင်တို့ ဝါရှင်တန်မှာ တွေ့ဆုံကြဖို့ သဘောတူညီထားခဲ့ကြဘူးပါတယ်။ မတ်လ ၂၀ ရက်နေ့တုန်းက ထရမ့်ဟာ ပူတင်ကို ရွေးကောက်ပွဲမှာ အနိုင်ရတာကြောင့် ဂုဏ်ယူကြောင်း ဖုန်းဆက်ပြောကြားခဲ့ပါတယ်။ အဲဒီအချိန်ကတည်းက သမ္မတ ၂ ဦး တွေ့ဆုံဖို့နဲ့ ပတ်သတ်ပြီး ဆွေးနွေးခဲ့ကြောင်း အမေရိကန်ဘက်ကရော ရုရှားဘက်ကပါ ပြောကြားပါတယ်။
Your browser doesn’t support HTML5
သမ္မတ Trump နဲ့ အိမ်ဖြူတော်မှာတွေ့ဖို့ ရုရှားသမ္မတ ဆန္ဒရှိ